Usea 2:3 - Fanawbuid tagsibaliwas Fakayabian

³ Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Usea 2:3 ပူးပေါင်းရင်းမြစ်များ

Nu Galin 17:3

Dewa katanya, ngay taw Israel maksvn nu kadanum, ay gfataglayun gfayud Muisis te, “Wain ro am fagnafaloun emi siginans talun Igiptu nu nangabul way ngap mi lang stae ay nangadanum anggan em ngay sisian ay anggan em ngay fagbaugun?”

Isayas 33:9

Afanyuan talun Israel. Anlangke wan Lebanun at ngay kayu, ay kapla wan. Datag Sarun kata way sik talun at yud e taw. Nafangatongan wan ngay kayu at don sas Basan ay sas Karmel.

Isayas 47:3

Ay fagayu taw lumag nu malulasan o ay umkapla o. Namaurianan au emu ay kwa ban kafanyu ya emu.”

Isayas 64:10

Am ngay furuan at yud e malong ay anggan furuan Erusalem kata wa sik talun yud e gbanwan.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:26

Namaksvn kban ay fakaplaun kata sik mangena at malulasan.

Eremyas 14:3

At ngay maramraman nasugu at ngay fagsuguan laman nanagub. Ay kafag ngay fagsuguan nalao sa sangay bubun, dewa katanya we mamam. Nu katanya, kanya fagayu anfoli ay we bilug at ngay baringan, ay at kaksvnan nu kapla natabun at ngay alfuyu.

Eremyas 17:6

Kanya fagayu umkata sik ngay fun kayu sirut tagsis talun at yud e taw, yud e fagmasineun ya sat fagunan fag ngay buknga. Kanya namanwan sat magong ay at mayat fag daga sit yud e gbanwan.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 2:6

Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Eremyas 22:6

Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 4:26

Nalag au sik gamasun tangayu gugat nu grawvg at kinkata sik talun at yud e taw. Siginans Yawi at dotama ngay furuan anrasras.

Eremyas 51:43

Ay sanya fag ngay furuan mabaluanan way lang kata sik talun at yud e gbanwan ya ay at yud e gdalan ya.

Eremyas 51:5

Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Esekyel 16:22

Sas fagayu am nafakamulun at mauri ay nu gfagbilug o am sadili, wo namatangan ya nu setain nu galaga au emu, gina o mabaguina, ay gina o malulasan ay gina o glelegan ayu sirut sim sadili taguk.

Esekyel 19:13

Ay nadog yay fia natanum kanya fag tanum sas talun at yud e taw, sat yud e mamam fag talun.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

At Nafasure 17:16

Ay am nalag fag safuluk sunge ay kafag tagfangagat fag mela, kauri kafag mangena takamatugtug, ay kanya ban fagayu namul kafag mangena at ngay ramraman ay anggan at lanbung, ay we fagagbilugun ya. Ay kanya ban nangon takamatugtug fag mangena at faknul ay at fasawadan ban nangirug wan.

Tagfangguna 15:18

Samsun gurungan mandi kadanum ay nadarangin sas Yawi te, “Naylat o nu gbabo au, ay katsi kadanum au maksvn, ay ngay taw Filistia at yud natoglag emu matabanan angku.”