Usea 2:23 - Fanawbuid tagsibaliwas Fakayabian

²³ Ay namabanwan kban ayu sa ay talun laman ku ngay taw am. Kesug kban ku ngay taw ku nafangayan ebi te, Lu-Rukama, ay lumong kban te, ‘Am wan ku ngay taw,’ ebi ku nafangayan te, ‘Lu-Ami.’ Ay ginanya ban, glong am te, au wan ay Dius.”

Usea 2:23 ပူးပေါင်းရင်းမြစ်များ

Alubad. 118:28

Yawi wan ku Dius, gfauseganan au ay gseg anya.

Alubad. 22:27

Ngay taw sas fagdaul daga nangamatang ay nangafoli sas Yawi. Ay fagayu talun at taw nanseg anya.

Alubad. 68:31

E ngay fagsuguan ban kadasug siginans talun Igiptu gbuba at mafanud fag ngay fanggalangun. Ay anggan ban ngay taw Kus gfabat at ngay daluap laman sas Dius.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Sulumun at Alubad 2:16

Gagbilug kwan ku fakesugun fag mangama, ay kanya wan tagagbilug angku. Kanya namafangonan at ngay fagbaugun sat ke ngay barugwak.

Isayas 44:5

Ay tiba glong te, ‘Au Yawi ktua at taw,’ ay tiba glong te, ‘Au Akub ktua at kasugfunanan.’ Ay tiba nanriruk sat daluap Yawi at ngayan, ay nantuyan at sadili te, taw Israel.”

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 30:22

Kanya ban fagayu ku ngay taw ay au ban at Dius.”

Eremyas 31:27

Yawi glong te, “Kadasug ban sik menit, gfayu kban ngay taw Israel ay ngay taw Uda anggan at ngay fagbaugun.

Eremyas 32:38

Ay gtuyan kban anya fagayu te, ku ngay taw, ay au ban at Dius.

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Esekyel 36:29

Fagayu ban ay fagmauriun gfasine kwan. Namon kban sa ayu ngayuk rawvg ay wa ban am kalunus ya.

Usea 1:6

Ay sanya ginan Gumer gdog yay nafafion ay nafasalug sik munina. Dius nalong sas Usea te, “Fangayani kafag munina te, Lu-Rukama, aroro kwa kafanyu ya ngay taw Israel ay kwa gfalyam ya at ngay asalanan.

Usea 8:2

Kanya fagayu guro sa angku te, ‘Gtuyan ami te, o wan Israel at Dius.’

Sakaryas 10:9

Ay dewa au nafarapyagan anya fagayu sa tibak talun, kanya fagayu gamatang tua gugat angku, ay kanya ban fagayu anggan at ngay sisian gleleg tua ban, ay kafoli sat talun.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Ruma 3:29

O Dius, ngay taw Udyu way lang at ke Dius? O nunda bunwa yangay at yud Udyu fag ngay taw at Dius? Sabv, kanya yangay at yud Udyu fag ngay taw at Dius.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.