Usea 2:21 - Fanawbuid tagsibaliwas Fakayabian

²¹ Ay ginanya ban fag menit, gbalus au ay ngay darangin. Au, Yawi, taglong tuy. Ay ginanya ban gfarak au laman gfatugbung ngay fananumun,

Usea 2:21 ပူးပေါင်းရင်းမြစ်များ

Isayas 55:10

Ay arak ay at marios fag mamam tagsiginans kiwang ya kafoli sas linyabu yakmay nafarugme daga, ay nafarabung ngay tanuman ay nafae bvtang, laman fagayu e fakonun.

Isayas 62:4

Ay wa ban gfangayan ya emu te, “Sik mabaluanan” ay “Sik nafabayanan.” Nu bunway gfangayan tua ban emu te, “Dius at fagusegananun,” ay at “Kindadwa sas Dius,” aroro Yawi guseganan tua emu ay kata nu nangadadwa o sa anya.

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Isayas 65:24

Ay kanya ban fagayu gina nanget ay gina get, gbalus kwan at darangin.

Esekyel 36:29

Fagayu ban ay fagmauriun gfasine kwan. Namon kban sa ayu ngayuk rawvg ay wa ban am kalunus ya.

Usea 14:7

Kanya fagayu gdog namanwan sanya fag ngay fun kayu at lanbung Kanya umkayu kata ngay tanum nu marabung, kanya ban umkayu kata fare, ay kata wat ubas nu gbarugwak. Ay kanya ban fagayu kadungug kata sik fanlangu tagsiginans Lebanun.

Uel 2:19

Ay kanya nabalus at ngay taw at darangin, ay nalong te, “Namon kban sa ayu ngay rawvg, fanlangu, ay langis, laman umkapsug am. Kwa kaylat tibak talun at taw nu gfalingun ayu.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Sakaryas 8:12

Manabayan tua ban nu gfananumun am, ay grawvg tua ban ay ngay wat ubas, ay ngayu tua ban ay gutluan ay e damug tua ban siginans kiwang. Namon kban takatanya sa ayu, am at kinsawad, laman ay fagagbilugun.

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”

Malakyas 3:10

Dewa katanya, katsi glong au ayu te, faskudi angku. Bubai fagayu ay fasafulu ay suadi sas fagfungsuan si ku bale laman e fakonun sanya. Nu nafakamulun tua ban am takatanya, gluang kban banwa at fagbanawanan laman gfadasug au sa ayu ngayuk famonun, ay wa ban sak ya sa ay ngay fagfungsuan.

Malakyas 3:11

Ay gsalag kban ngay ulud nu namamin ay nu nanrabas ay ngay tanum wat ubas at ngay rawvg.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?