Usea 2:20 - Fanawbuid tagsibaliwas Fakayabian

²⁰ Kabavn ban matuyan ktua sa ayu, ay gtuyan ban am angku te, au wan Yawi.

Usea 2:20 ပူးပေါင်းရင်းမြစ်များ

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 62:4

Ay wa ban gfangayan ya emu te, “Sik mabaluanan” ay “Sik nafabayanan.” Nu bunway gfangayan tua ban emu te, “Dius at fagusegananun,” ay at “Kindadwa sas Dius,” aroro Yawi guseganan tua emu ay kata nu nangadadwa o sa anya.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 32:41

Kaylat au namakamulun sa anya fagayu at masine ay sas fagdaul ku amatanganan namabanwan au anya fagayu stie fag talun.”

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Esekyel 16:62

Namaksvn kban ta nasadian, ay sumaful ban o te, au Yawi.

Esekyel 16:8

“ ‘Ay gina au nadog nadalan emu, nalag au te, baguina wo. Nu katanya, nafae lanbung au emu, ay nafatuyanan au te, kesug au emu. Ay nawat au sik nasadian sa emu te, au wan tagagbilug emu. Au, Fun Dius Yawi, taglong tuy.

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Esekyel 34:27

Ngay kayu ban grawvg tua anggan kafag ngay taw at ngay tanum, ay kanya ban fagayu di e fakalimuun, ay gina kban naiyan tagfagsuguan anya fagayu, kanya ban fagayu sumaful te, au Yawi.

Esekyel 38:23

Takatanya fag balyawvtan namalag au ku fagmabalyananun sas fagayu talun te, kdi e malong. Ay kanya ban fag ngay taw sumaful te, au Yawi.’ ”

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Usea 2:19

Gtuyan kban te, am wan ku mangena kabavn. Ay namakamulun kban sa ayu at matuyan ay at kasakan. Ay kesug kban ayu ay kafanyu.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Lebitiku 26:5

Nu katanya, gruyus tua ban am gugat ngay rawvg yakmay andasug fanggutluan wat ubas, ay anggan ban andasug sat fadogan fag fananuman. Ay kabavn ban ngayu tua ay fakonun, ay manabayan tua ban am si ay talun.

Lebitiku 26:6

“Gfae fagmanabayanun kban sa ay talun, nu katanya, manabayan tua ban nu gtiug am. Gfayayu kban tagfangagat fag ngay mela si ay talun, ay wa ban e namawayan ayu.

Mikas 4:3

Yawi ban nanwabilug ay namasadi tangayayu fag ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Lukas 10:22

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 8:55

Ay wam natoglag anya. Ay au gtoglag ktua anya. Nu glong kway ro te, kwa gtoglag anya, sik takamuag kyangay kata ayu. Ay duan, gtoglag ktua anya ay gfaning ktua at longan.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

Ebreu 8:11

Kanya ban fagayu wa fagfoyungun ya, ay wa ban glong ya sat ngay iba te, ‘Toglagi tam Fun,’ aroro kanya ban fagayu tumoglag tua angku, dewa at mafalingun ay anggan tiba tungud fag taw.

1 Uan 4:6

Dewa katanya, itam Dius tua tam at ngay taw, ay nusnga sinu at natoglag Dius, gdungugan tua antam. Ay dewa katanya, nusnga sinu at yud siginans Dius, kanya wa gdungugan antam. Katanya tam fagsafulan te, sik taw at foyungan siginan tua at Masine fag Falad ay mannga siginan way takamuagan fag falad.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.