Usea 2:18 - Fanawbuid tagsibaliwas Fakayabian

¹⁸ Ginanya ban fag menit, nangawat au sik nasadian sas fagayu mangilafang laman ban wa gfauri ayu. Gbul kyangay ban siginans Israel at ngay godun ay at ngay fiso, ay wa ban e awayan ya, laman ban manabayan tua nu gtiug am.

Usea 2:18 ပူးပေါင်းရင်းမြစ်များ

Ub 5:22

Manabayan tuo dewa e fanlunus ay e faurianan, ay wo kalimu ya tagsis talun fag ngay mangilafang.

Ub 5:23

Aroro kafag ngay mangilafang wa manangagat ya emu, ay di ban o gidapan ya gtanum dewa si tagagangun fag gamasun.

Alubad. 148:10

Segi Yawi, anggan am fag ngay mangilafang tagsis talun ay ngay fagbaugun, tagalafang ay ngay manuk tungud.

Alubad. 23:2

Ay gfafiangalay angku kata sik tupa sa sik fagnamafangonan tangayu at makmak, ay gtabanan angku sat manabayan fag bulbug.

Alubad. 46:9

Kanya nafaragang ngay awayan sas fagdaul daga. Ay nalifung wan at ngay bangko ay at ngay banyas, ay nairug at ngay famalabag.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 32:18

Fagayu am ku ngay taw, manabayan ban nu gbanwan am, ay anlangfe wam siginans faurianan. Ay di ban e gfasalag ayu.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Esekyel 34:25

“Nangawat kban em nasadian laman ban kanya fagayu nu gbanwan manabayan tua. Nangaiyan kban tagfangagat fag ngay mangilafang siginan at talun laman ban ku ngay taw manamanwan tua sat yud e taw fag talun ay laman ban matiug tua manabayan dewa sasad araw.

Esekyel 39:1

Yawi nalong sa angku te, “Taw at baguama, nangaringang o at mauri sas Gug, nanlong o anya te, ‘Au, Fun Dius Yawi, glong au te, Gug, ku fawayan o, o fag tagfangguna sis Mesek ay sis Tubal.

Sakaryas 14:4

Ginanya ban fag menit, kanya nanmalindug sas Buksul Ulibu, sas Erusalem at fakamenitan baliwa. Kafag buksul umkafud dua siginans fakamenitan sitsigons fakayabian. At taguna fag afud umdugdug sabaliwas fawalan fag alvngvdan ay at faduak afud umdugdug sas fasiunan fag alvngvdan. Ay sit wabilug umke datag daul.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”