Usea 2:14 - Fanawbuid tagsibaliwas Fakayabian

¹⁴ Dewa katanya, nantaban au anya sas talun at yud e taw ay nandog au namaylatan anya yakmay nesug angku.

Usea 2:14 ပူးပေါင်းရင်းမြစ်များ

Fakasigadan 34:3

Kanya maksvn nu galabian ay gfababaun sa anya.

Ub 36:16

Dius nafayayu emu siginan at malimu, ay nafae fagmanabayanun emu, ay nafon sa emu tangayu ay at mataba fag ngay fakonun.

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Eremyas 16:14

“Abandi ban, ngay taw wa glong ya te, ‘Gfatuyanan au sas Yawi, tagleleg fag Dius at nafaduksun ngay taw Israel siginans talun Igiptu.’

Eremyas 2:2

“Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Esekyel 20:10

Nu katanya, nafalfas au kafag ngay taw ay nataban sas talun at yud e taw.

Esekyel 20:33

Au, Fun Dius Yawi, gfatuyanan au te, kafanud nu gleleg au, nanfunan kban ayu ke fagmabalyananun ay at maksvn fag fandotaman.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Mikas 1:7

Ay fagayu ban fagsegan tagsis Samarya umkirug wan, ay ngay mangama ban at famayad sa sangay mangena tagfaebayad umkirug yangay sat fagnansegan fag bale. Furuan Samarya anke ngay fagsegan siginan ngay mangama at famayad sa sangay tagfaebayad fag ngay mangena sit fagnansegan fag bale. Nu katanya, at ngay fawayan ban namul salapi ay gintu at mafasafungan sanya fag ngay fagsegan, laman at famayad yangay sa sangay tagfaebayad fag ngay mangena sit fagnansegan fag ngay bale.”

Uan 12:32

Ay nu e nafabat angku siginans daga, namakbang kban fagayu taw sa angku.”

Uan 6:44

We taw manangakbang sa angku, ku Mama at nasugu angku nu dway nataban anya sa angku. Ay nusnga sinu at kinkakbang sa angku gfadog kyay ban gfaleleg anya sa taguyan fag menit.

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 12:6

Ay kafag mangena nalagyu wan sas talun at yud e taw, sas Dius at nafalganan laman kafag mangena at fagbanwanan, ay nangalaga anya sanya kaduge sadik libu duak sandan unumk safuluk menit.

Tagfangguna 19:3

at indugan namatangan te, “Namakamatoan kyay ku mangena ay namalukmeanan anya laman umfoli yay kata ebi ginan nu dadwa ami.” Ay kanya nalo wan gadgaloan at fagsuguan at sadi ay duak sakayan asnu. Ay nu ndasug wan, at mangena nafasakbo anya. Ay at nugangama nu nalag at nugang guseganan mandi.