Usea 2:10 - Fanawbuid tagsibaliwas Fakayabian

¹⁰ Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 2:10 ပူးပေါင်းရင်းမြစ်များ

2 Krunika 24:7

(Atalya fag mangena at mauri at ngay baguina nasakbo sas Dius at bale ay nabul at yud e malong fag ngay fagagbilugun, laman at fagagbilugun gina nanseg Baal fag fagsegan.)

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Fangatulun 11:21

Sik taw at mauri umfaurianan, dewa katanya, tagbanwan sat matuyan, di gafaurianan.

Isayas 3:17

Nu katanya, namae buyu au at alfuyu, ay kanya ban fagayu umlanu.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:26

Namaksvn kban ay fakaplaun kata sik mangena at malulasan.

Esekyel 16:16

Ay tiba am lanbung nagbilug o laman famasine ngay fagnansegan fag bale sa tangabat fag ngay buknga, ay sanya nu gfagbilug o am sadili sa sangay mangama. Wa nangus anfasludan takatanya.

Esekyel 16:19

Ay ku nafon emu fag fakonun at mawatan siginan at masine fag fangawat, ay deut, ay anggan langis ulibu, nafon way o sa kafag ngay fagsegan laman sik mabebanglu fag fanggalangun. Anud! Katanya wa fia at kinfasludan. Au, Fun Dius Yawi taglong tuy.

Esekyel 23:29

Kanya ban fagayu kadotama ay namaurianan emu, ay nangagbilug ban fagayu am nainlufuyan. Kanya ban fag ngay taw gubun emu malulasan, ay ngay taw ban lumag nu malulasan o, ay am kayaunanan at mapla aroro sam fagmauriun nu kamatugtug o sa tibak taw.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.