Usea 2:1 - Fanawbuid tagsibaliwas Fakayabian

¹ “Nu katanya, fangayani ay kaiban fag ngay taw Israel te, ‘Ku ngay taw,’ ay ‘Ku ngay fakesugun.’

Usea 2:1 ပူးပေါင်းရင်းမြစ်များ

Fakasigadan 22:17

namon kban sa emu nusnge wain aroro di o nesug gfon sa angku am baguama fia dewa sadi way. Gfon kban sa emu ngayuk kasugfunanan kayu galeme sis banwa ay kayu lagnas sis tigyangan dagat. Ay kanya ban fagayu nangagbilug ban at ngay fawayan at ngay furuan ayu daul.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 32:38

Ay gtuyan kban anya fagayu te, ku ngay taw, ay au ban at Dius.

Eremyas 51:5

Dewa katanya, au, Yawi at Mabalyanan, Israel at Dius at yud e Malong, kdi naubun talun Israel ay Uda, dewa at ngay talun ankapnu fagmauriun.

Esekyel 11:20

Gina kban nafaful ayu, gfaning ban am ku ngay suguan ay ku ngay faugali. Ay ku ngay taw ban am, ay au, ay Dius.

Esekyel 36:11

Namayu kban ngay taw ay anggan ngay fagbaugun si ayu fag ngay buksul. Ay gdog kyay ban namabanwan kafag ngay taw si ayu kata ebi ginan, ay namaramraman kban ayu fag ngay buksul gtungud yap tua ebi taguna. Ay sumaful ban am te, au Yawi.

Esekyel 36:28

Namanwan ban am sa ku nafon sa ay ngay mangaguyang fag talun. Am waban ku ngay taw ay au ban ay Dius.

Esekyel 37:27

Namanwan kban gugat magamut anya fagayu, ay au ban kafag ngay taw at Dius, ay kanya ban fagayu ku ngay taw.

Usea 2:2

Ku ngay sisian, salagi ay mina aroro bunwa sia ya ku mangena ay bunwa au ya at mangama. Longi anya te, faragangi wan nu kamatugtug.

Usea 2:23

Ay namabanwan kban ayu sa ay talun laman ku ngay taw am. Kesug kban ku ngay taw ku nafangayan ebi te, Lu-Rukama, ay lumong kban te, ‘Am wan ku ngay taw,’ ebi ku nafangayan te, ‘Lu-Ami.’ Ay ginanya ban, glong am te, au wan ay Dius.”

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

1 Pedru 2:10

Ebi, bunwam Dius at ngay taw, dewa katanya, katsi am wan Dius at nafili. Ebi Dius wa kafanyu ayu, ay katsi kafanyu tua ayu.