Usea 14:6 - Fanawbuid tagsibaliwas Fakayabian

⁶ Kanya ban marabung tua, ay at kamasinean ban kata sik dingin, ay mabebanglu kata sik anangi.

Usea 14:6 ပူးပေါင်းရင်းမြစ်များ

Fakasigadan 27:27

Akub ankakbang ay naugwan at mama, ay Isak nu nayuk Akub at lanbung, gfadante wa vtv anya ay glong te, “Ku baguama nu kayuk kata yay Yawi at nafadante fag gamasun.

Alubad. 128:3

Am mangena kata sik tanum wat ubas si ay akbang bale at ke ngay rawvg. Ay am ngay sisian at maligung si ay fagfangonan, kata sik ngay ulibu at bagu katanum.

Alubad. 52:8

Dewa katanya, au si ktua gugats Dius at bale kata sik fun kayu ulibu marabung. Ay kabavn gafanud ktua te, kanya mafangesug.

Alubad. 92:12

At matuyan fag ngay taw umke ngay ramraman, kata ngay layag tangayu at rawvg, ay umbitsug kata ngay fun kayu sidru tagsis Lebanun.

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 66:14

Nu nalag ban am ku fakamulun takatanya, guseganan am ay umkaksvn kata sik tanum at marabung. Yawi ban gfalag at fagmabalyananun sat ngay fagsuguan, ay dewa katanya kanya ban gfalag at dotama sat ngay fawayan.

Eremyas 11:16

Ebi Yawi nu gdama kanya fagayu kata oma sik fun kayu ulibu at marabung ay tangayu at rawvg, dewa katanya, gina ban at maksvn fag afuy nadalan, kanya fagayu umkamin kata at nairug fag ngay sanga at yud e fanambagun ya.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mateu 13:31

Ay Isus gdog yay nafoyung sik faydayuanan te, “Dius at fagfagtainanan kata yangay sik rigrig burarad sik taw at narigrig sit gamasun.

Uan 15:1

“Au wan at matuyan fag fun wat ubas, ay ku Mama tagalaga.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.