Usea 14:5 - Fanawbuid tagsibaliwas Fakayabian

⁵ Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 14:5 ပူးပေါင်းရင်းမြစ်များ

2 Samwel 23:4

kanya kata tua menit at yamag nu kasure sis balabag at yud e gfarum, ay tagfariro ngay makmak.’

2 Fun 19:30

Ay fagayu at kinsawad tagleleg sis Uda umramraman yangay ban, kata sik tanum tangabasad at lalid ay tagrawvg.

Ub 29:19

Aroro ebi kata ktua sik fun kayu at ke ngay lalid tagdasug sas mamam, ay galay yabi at ngay don tagadamugan tua.

Alubad. 133:3

Ay at fagmasadiun kata damug sis Buksul Ermun at kindasug sas Buksul Siun. Yawi gfon sik famonun sas Buksul Siun, at masuad te, leleg at yud e fakatabuan.

Alubad. 72:16

Takagutlu nangus sas fagdaul talun umkayu, anggan sas tungud buksul. Ngay fun kayu at ke rawvg ngayu tua nangus gugat kata sis talun Lebanun fag araw. Ay ngay taw nangus sa sangay furuan umkayu kata ngay makmak nu ngayu.

Alubad. 72:6

Kanya nangus fag fun kata arak tagfarugme ngay tanum ay daga.

Alubad. 80:9

Ay nafasine o tuy fag daga, ay wat ubas nalalid ay anfagdaul sas fagdaul talun.

Alubad. 92:12

At matuyan fag ngay taw umke ngay ramraman, kata ngay layag tangayu at rawvg, ay umbitsug kata ngay fun kayu sidru tagsis Lebanun.

Alubad. 92:13

Kanya fagayu kata yangay sik ngay fun kayu tagtugbung sis Yawi tam Dius at bale.

Fangatulun 19:12

Sik fun nu kadotama way, kata sik liun nu gsubang, dewa katanya, nu mafanggubuk kata damug tagsi sangay tanum.

Sulumun at Alubad 2:16

Gagbilug kwan ku fakesugun fag mangama, ay kanya wan tagagbilug angku. Kanya namafangonan at ngay fagbaugun sat ke ngay barugwak.

Sulumun at Alubad 4:5

Am dubdub masine kata duak riangan arasyo at nasfuan nu kasalug, ay gfangonan sis wa barugwak.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 18:4

Aroro katatuy Yawi at longan sa angku: “Manabayan au gbanawan siginan ku fagbanwanan, kata menit at sugba nu gamgamad kabat swabilug menit, ay kata yangay sik damug kinful gina fanggutluan fag buknga.”

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Isayas 27:6

Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 45:8

Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 32:41

Kaylat au namakamulun sa anya fagayu at masine ay sas fagdaul ku amatanganan namabanwan au anya fagayu stie fag talun.”

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mikas 5:7

Ay at kinsawad ban fag ngay taw Israel umsik fanggalangun sa sangay talun. Ay kanya ban fagayu umkata sik ngay damug ay arak Yawi at nafon laman tagfatugbung ngay tanum. Ay kanya ban fagayu gafanud tua sas Dius bundi sa sangay taw.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Mateu 6:28

“Ay wain ay fagafanawaun te, ‘Wami e lanbung’? Damai ngay barugwak sa sangaba talun. Kanya wa gfakamulun ay wa kawat at lanbung.

Lukas 12:27

“Amatangani ngay barugwak. Kanya wa gfakamulun ay wa kawat at lanbung. Ay glong au ayu te, nusnga fun Sulumun nasulun at tiba tungud at lanbung at masine nu kalag, kanya ya kamasine sik barugwak.

Efesu 3:17

Tam Fun Isus nangus gbanwan si ay ngay amatanganan aroro gafanud tuam sa anya. Ay gdarangin kyangay te, maksvn am sis Dius at fakesugun, kata sik kayu tangabasad at lalid,

Deuterunumyu 32:2

Ku ngay foyungan kata sik arak ay damug nu ganting. Ay ku ngay aringang kata sik anting sa sangay makmak, ay kata yangay sik ayuyus sa sangay tanuman.