Usea 14:4 - Fanawbuid tagsibaliwas Fakayabian

⁴ Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.

Usea 14:4 ပူးပေါင်းရင်းမြစ်များ

Alubad. 10:14

Dius, glag way o ngay taw ke maksvn fag fagidapun ay takabalu. Ngay taw at mafanyuan ay at yud e kalongan ya gafanud sa emu, ay ggubuk tuo anya.

Alubad. 20:8

Ay kanya fagayu ummomuy ay gtaglayun karit. Dewa katanya, ami mabitsug tuami gugat.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 55:1

Yawi glong te, “Iste wan mamam! Fagayu am takadanum akbangi! Dewa am at yud e famayad, akbangi ay inumi! Gewan wan, buli fanginum ay susu bilug!

Isayas 57:18

Nasaful kwan kanya fag ngay taw at ugali, dewa katanya, gfalyam kyay, ay galo au ay gfasun ngay takabalu.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Eremyas 17:14

Yawi, o way lang at mafafia ay at mafalangfe angku. Ay o way lang ku fagfausegananun.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Esekyel 33:14

Ay nu nalong au sat mauri fag taw te, anud kanya ban kabul, dewa katanya, kanya nu naubun tua at fagmauriun ay nu nafakamulun tua at masine ay at matuyan,

Esekyel 36:36

Ay fagayu ban talun tagligung si ayu sumaful te, au Yawi at nafawat ay ngay furuan at kinrasras, ay at natanum nusnge wain sa ay talun ebi ataw at mabaluanan. Matuyan, namakamulun kban takatanya fagayu. Au, Yawi, taglong tuy.’ ”

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 2:19

Gtuyan kban te, am wan ku mangena kabavn. Ay namakamulun kban sa ayu at matuyan ay at kasakan. Ay kesug kban ayu ay kafanyu.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Tap 25:11

“Finekas, Elyasar at baguama ay tagfon fanggalangun Arun at fufu, nafalyam nu kadotama au ngay taw Israel. Siginan at nafakamulun takatanya, kanya nafalag te, maseganama nu gdiri ku kamasinean si sangay taw. Nu katanya, kdi nafamin anya fagayu.

Tap 25:4

Yawi nalong sas Muisis te, “Fafuli kafag ngay taw at ngay tagfangguna ay fabuli anya fagayu si ku daga salubangan gina mamenit, laman umkalyam wan nu kadotama au sas Israel.”

Ruma 3:24

Ay dewa katanya, aroro sas Dius at fagmagalangun, kanya natap antam kata nu yud e asalanan, siginan tam Fun Isus nu gfalfas antam fagayu siginans asalanan.

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Titu 3:4

Ay Dius tam Tagfalangfe at fagmagalangun ay at fakesugun gina nsure,