Usea 14:3 - Fanawbuid tagsibaliwas Fakayabian

³ Ay wami get ya fanggubukun siginans Asirya, ay wa yangay mi gseg ya em ngay tagfawayan tagsakayan sis kabayu. Ay wa yangay mi gngayan ya em nawat fag ngay fagsegan te, em ngay dius. Aroro anfanyu tuo emi kata sik ngay sisian at yud e fagtainan ya.’ ”

Usea 14:3 ပူးပေါင်းရင်းမြစ်များ

2 Krunika 16:7

Ginanya fag buknga, Kanani fag taglong nalao sas Asa talun Uda at fun, ay nalong te, “Aroro nafanud way o sas Aram at fun, abat ngate, sas Yawi am Dius, wam anke buknga ya namabul talun Aram at fun at ngay tagfawayan.

Alubad. 10:14

Dius, glag way o ngay taw ke maksvn fag fagidapun ay takabalu. Ngay taw at mafanyuan ay at yud e kalongan ya gafanud sa emu, ay ggubuk tuo anya.

Alubad. 146:3

Lag am gafanud sat ngay mabalyanan, aroro kanya fagayu taw way ay wa mafalangfe.

Alubad. 146:9

Kanya galaga tua ngay betaw, ay ggubuk at yud e fagtainan ya anggan ngay fagbubayun. Dewa katanya, kanya gsalag way ngay taw mauri at ngay algan.

Alubad. 33:17

Ngay kabayu bunwa fagsegan famababo sas awayan, ay at ngay fagmabitsugun wa mafalangfe anya fagayu.

Alubad. 68:5

Dius gbanwan sit fagbanwanan at yud e malong, ay kanya galaga ngay sisian at yud e fagtainan ya, ay ggubuk ngay fagbubayun.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 2:20

Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Isayas 27:9

Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Isayas 30:2

Kanya fagayu glo wan sas talun Igiptu laman nanget gubuk sat fun, ay wa get gubuk sa angku.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 31:3

Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Isayas 36:8

“Ay katsi ku tagfayafun, Asirya at fun, e fagyafonun emu. Namon ami emu duak libuk kabayu nu e duak libu tuok taw tagsaful gsakay sas kabayu.

Eremyas 49:11

Dewa katanya, kafamato ban si angku ay ngay kaiban at yud e fagtainan ya, ay nanggubuk kban anya fagayu. Ay ay ngay fagbubayun ban gseg tua angku.”

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Esekyel 37:23

Kanya ban fag ngay taw wa namasuya ya at ngay sadili siginan nu nanseg ngay fagsegan at maksvn nu masuya ay nu namakamulun nusnga setaw at mauri. Aroro namalyam kban at ngay asalanan laman namalangfe au anya fagayu. Kanya ban fagayu ku ngay taw, ay au ban at Dius.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Usea 2:17

Kwa kaylat ya nu glong am Baal at ngayan.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 8:6

Samarya at fagsegan fag baka, ngay taw Israel way at nawat. Kanya bunwa Dius. Matuyan, kanya ban karufa way.

Usea 8:9

Kanya fagayu kata way lang sik mela fag asnu tagsesadian ay malyaman sad talun. Kanya fagayu nanget gubuk sas Asirya ay namon famayad sat fagadgalangan fag ngay talun laman ggubuk anya.

Unas 2:10

Sanya ginan, Yawi nasugu kafag albon laman namangkok Unas sas tigyangan dagat.

Uan 14:18

“Kdi gfabayan ayu, nu katanya, di ban kata sik ngay sisian at yud e galaga. Kafoli kyay ban sa ayu.

Deuterunumyu 17:16

Ay nafili fag fun wa masine gbul ngayuk kabayu, ay wa masine gfafoli sas talun Igiptu at ngay fagsuguan laman namayad ngay kabayu, aroro Yawi nalong te, “Lag am kafoli ya sanya.”