Usea 14:1 - Fanawbuid tagsibaliwas Fakayabian

¹ Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 14:1 ပူးပေါင်းရင်းမြစ်များ

2 Fun 8:12

Ay Kasael nainto anya te, “Fagtainan, wain am fagwaywayun?” Ay Elisyu nabalus te, “Aroro nasaful au te, gfakamulun ban o at mauri sa sangay taw Israel. Girug ban o at mogat fag ngay furuan, ay gagbilug ban o am fiso laman am famabul tagsanya fag ngay baguama. Namafalang ban o at ngay sisian, ay gbaltak ban o ngay tagfafion at ngay ungdan.”

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Esekyel 16:46

Samarya tagsis fawalan baliwa kanya am kaka mangena gadgaloan at ngay baguina, ay Suduma tagsis fasiunan baliwa kanya am arian fag mangena gadgaloan yangay at ngay baguina.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Esekyel 33:14

Ay nu nalong au sat mauri fag taw te, anud kanya ban kabul, dewa katanya, kanya nu naubun tua at fagmauriun ay nu nafakamulun tua at masine ay at matuyan,

Usea 10:12

Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 12:8

Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Usea 13:9

Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Usea 4:8

Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Usea 5:5

Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Usea 9:13

Ebi, nu gdama au ayu kata tuam sik kayu tagtugbung sit masine fag daga. Dewa katanya katsi, masine nu gbuba am ay ngay sisian sas fagawayanan laman sanya nu kabul.”

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Amus 1:13

Katatuy Yawi at longan sabaliwas Amun: “Ngay taw Amun gfataglayun way gugat nu gasalanan, nu katanya, namaurianan kban anya fagayu. Kanya fagayu nafilas ngay taw Gilyad at ngay mangena tagfafion, laman magbilug at ngay daga.