Usea 13:16 - Fanawbuid tagsibaliwas Fakayabian

¹⁶ Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 13:16 ပူးပေါင်းရင်းမြစ်များ

2 Fun 15:16

Ginanya, Menakem namawayan Tifsa ay anggan sit ligung fag ngay furuan sitsigons Tirsa, aroro tagbanwan sanya wa kaylat gfababaun sa anya. Kanya nafabul fagayu tagbanwan sanya ay nafilas ngay tagfafion at ungdan.

2 Fun 17:18

Yawi maksvn nu kadotama ngay taw Israel, nu katanya naiyan anya fagayu siginan at daga salubangan. Ay Uda way lang fag kasugfunanan at kinsawad sanya fag talun.

2 Fun 17:5

Sanya ginan, Asirya at fun nafawayan fagdaul talun Israel. Kaduge tuluk banwa, kanya naligung Samarya.

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

2 Fun 8:12

Ay Kasael nainto anya te, “Fagtainan, wain am fagwaywayun?” Ay Elisyu nabalus te, “Aroro nasaful au te, gfakamulun ban o at mauri sa sangay taw Israel. Girug ban o at mogat fag ngay furuan, ay gagbilug ban o am fiso laman am famabul tagsanya fag ngay baguama. Namafalang ban o at ngay sisian, ay gbaltak ban o ngay tagfafion at ngay ungdan.”

Isayas 13:16

Ay e gfafalang ban at ngay sisian sit daga salubangan. Ay e namul ban at ngay ramraman ay e namataladan at ngay bubay.

Isayas 17:3

Sis Israel fag ngay furuan at maaladan umrasras wan, ay Damasku at fagmabalyananun umkalyam ban. Ay at kumdasug ban sat ngay kinsawad fag ngay taw Aram kata yangay taw Israel at nadalan ebi. Au, Yawi at Mabalyanan taglong takatanya.

Isayas 8:4

Ay kanya ban fag sisian gina yud yay nasaful guro at mama ay at mina, Asirya at fun namul furuan Damasku at ngay ramraman, ay nangago ban furuan Samarya at ngay nafangago.”

Usea 10:2

Ay kanya fagayu kamuag wan, ay katsi kanya fagayu gafaurianan aroro sat ngay asalanan. Dius nanrasras at ngay fagirugan fanggalangun ay at fagsegan fag ngay gang.

Usea 11:6

Ay at ngay fawayan ban kadasug sat ngay furuan, ay nanrasras ban at ngay famalabag sakbawan. Ay at ngay fawayan ban tagfatabu fagayu at ngay algan.

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Amus 1:13

Katatuy Yawi at longan sabaliwas Amun: “Ngay taw Amun gfataglayun way gugat nu gasalanan, nu katanya, namaurianan kban anya fagayu. Kanya fagayu nafilas ngay taw Gilyad at ngay mangena tagfafion, laman magbilug at ngay daga.

Amus 3:9

Longi sa sangay tagfangguna sis furuan Asdud ay sas talun Igiptu te, nanmaful am sa tagligung Samarya fag ngay buksul ay nandama am ngay furuan nu gawayan ay nu gafaidapanan.

Amus 9:1

Sanya ginan, Amus nalong te, “Nalag au Fun Dius nu malindug munakbang sis fagirugan, ay nalong sa angku te, ‘Falangi ku bale at ngay fungfung turuk laman at ugun umlafi ay ngay taw umtalfi. Ay at sawad umbul sas awayan, ay nusdi sadi we malagyu ay we malangfe.

Mikas 1:4

Ay at fagnanloan ban fag ngay buksul umtinas kata sik ngay lune at mafasalungan. Ay at fagnanloan ban fag ngay datag umke karang kata mamam nu nabuntuk siginan tangabat fag afud daga.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Naum 3:10

Dewa katanya, ngay taw Tebes gdog yay natabanan sa tibak talun, ay e nafafalang at ngay sisian sa sangaba dalan. Ay takadungug fag ngay taw masiukan salambitan, ay mesa e nafagsuguan.