Usea 13:15 - Fanawbuid tagsibaliwas Fakayabian

¹⁵ Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 13:15 ပူးပေါင်းရင်းမြစ်များ

Fakasigadan 41:23

Ay fitu yangayk raug yud e bilug ansure sanya ginan yay fia fag bilugan. Sik masugba fag tagmara siginans fakamenitan nafaitut kafag fituk raug.

Fakasigadan 41:52

Ay nafangayan yangay at fadua at ngenge te, Efraim, ay nalong te, “Aroro siginans Dius at gubuk, e kwa ktua gugat sis talun nu inda nu kae fagidapun au.”

Fakasigadan 41:6

Ay sanya ginan, ansure yangay fituk raug yud e bilug at kinkitut aroro siginan at masugba fag tagmara tagsiginans fakamenitan.

Fakasigadan 48:19

Ay at mama nabalus anya te, “Kin, munama, saful kway. Manase at ngay kasugfunanan sik takadungug yangay ban, dewa katanya, at arian ban at kasugfunanan gtungud tua nu sik kadungug, ay at ngay kasugfunanan ban ayu yap tua.”

Fakasigadan 49:22

Use, o ban kata o sik mela fag asnu tagsis tigyangan bulbug ay tagsis tigyangan tangrawan.

Ub 18:16

Ay umkata sik fun kayu at ngay lalid at kinyango wan, ay at ngay sanga kinyango wan.

Alubad. 1:4

Dewa katanya, ngay tagasalanan saman way. Dius nu gdama anya fagayu we masuad, kata way sik ngay upa tagmara at fagfalayugun.

Alubad. 109:13

At ngay kasugfunanan ban nangus kabul wan, laman ban at fadogan fag sugfun wa nasaful ya sabaliwa kafag ngay taw.

Isayas 14:21

Falganani sik afud talun fagfabulan fagayu at ngay sisian aroro at ngay mangaguyang anke asalanan. Wa ban masine ya nu gdog namagtainan, ay nu nangawat sik ngay furuan ayu daul sas fagdaul daga.

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Eremyas 20:5

Namon kban sat ngay fawayan Erusalem at ngay ramraman: at ngay fagagbilugun at mabyat nu kabayad, ay fagayu at nainlufuyan, ay anggan Uda at fun at ramraman. Ay kanya ban fagayu namuba kafag ngay ramraman sas talun Babilunya.

Eremyas 4:11

Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:12

Kanya at maksvn fag tagmara siginan tua angku. Katsi nanlong au sa anya fagayu ku faurianan.”

Eremyas 51:1

Kata tuy ya Yawi at longan sabaliwas talun Babilunya: “Gfabulun au sat madot fag tagfawayan namawayan talun Babilunya ay at ngay tagbanwan sanya.

Eremyas 51:36

Yawi glong te, “Ngay taw Erusalem, ggubuk au ayu ay namasud au laman sa ayu; namalanggang au dagat ay ngay bulbug tagsis talun Babilunya.

Esekyel 17:10

Ay dewa ban e natanum yay kafag wat sa tibak daga, wa gtugbung ya, ay kagong ban nu natagmara masugba.’ ”

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Daniel 11:8

Sanya ginan, kanya ban namuba sas talun Igiptu ngay fagsegan ay anggan ngay ramraman at mawatan siginans salapi ay gintu. Kaduge ngayuk banwa, kanya di gfawayan tagsis fawalan fag alvngvdan fag fun.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Usea 4:19

Nu katanya, sik tagridribudan ban fag tagmara namalayug anya fagayu, ay kanya ban fagayu umke fakaplaun aroro nafon ngay fanggalangun sa tibak fagsegan.”

Usea 9:11

Ngay taw Israel, ay fagmabalyananun umkalyam kata sik manuk tungud taglayugan. Ay ngay mangena wa ban gfafion ya ay wa gsisian ya.

Unas 4:8

Ay menit nu nsure, Dius nafadasug sik masugba fag tagmara siginans fakamenitan. Ay maksvn nu maroy, at kaksvnan, Unas arvs anranug. Kanya kaylat wan nu kabul, ay nalong te, “Fabuli wan angku nu gamut ro nu gleleg au.”

Naum 2:9

Fagayu am at namawayan furuan Ninibe, buli wan kafag furuan at ngay salapi ay at ngay gintu aroro ngayu at ramraman.

Deuterunumyu 33:17

Ay at fagmabitsugun kata sik tumad baka tama. Ay at fagmabalyananun kata at mela fag baka at sunge. Ay siginan ban at fagmabalyananun kanya ban gbabo ngay talun anggan sa tangayayu fag talun. Kata ban kanya ku fon sa sangay taw Efraim ay sa sangay taw Manase.”