Usea 13:14 - Fanawbuid tagsibaliwas Fakayabian

¹⁴ Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Usea 13:14 ပူးပေါင်းရင်းမြစ်များ

Ub 33:24

Ay Dius ro nu nfanyu anya glong ro sanya fag tagbarita te, ‘Falangfei kafag taw siginans fakabulun, aroro nasaful kwan famalyam at asalanan.’

Ub 41:22

Ay siwa at liug at fagmabitsugun, ay fagayu at nadama anya kalimu.

Alubad. 16:10

Wo nafabayan ku falad si sangay kinbul at talun, ay di o naylat au, am fagsuguan at matuyan, nu kadan sis fagfolian.

Alubad. 30:3

Nafalangfe o angku siginans fakabulun. Gina au glao sas fagfolian, nafasaruyan tuo angku.

Alubad. 49:15

Dewa katanya, Dius gbul angku, ay gfalangfe ku leleg siginans fakabulun at fagmabalyananun.

Alubad. 49:16

Lag o kamomuy, dewa sik taw mauri karamraman, ay dewa kafamut at ngay ramraman.

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

Alubad. 86:13

aroro matuyan tua nu kesug o angku. Nafalangfe tuo angku siginans fakabulun.

Isayas 25:8

Yawi tam Fun namalyam waban fakabulun ay rumarus wan fagayu taw at liasun. Ay namalyam waban sas fagdaul daga at ngay taw at fakaplaun. Umfasludan waban fia takatanya aroro Yawi wan at ke longan.

Isayas 26:19

Dewa katanya, gdog yay ban gleleg am ngay taw at kinbul. Ay at ngay mabulan ban umlunggung yay ay nangalubad guseganan. Nu setain nu gfae damug o sas daga, o yangay tagfadog gfaleleg fagayu kinbul.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 20:16

Kanya nangus fag taw umfaurianan kata Yawi at fagyudun anfanyu giklas fag ngay furuan. Buktung menit nangus kanya fag taw at dungganan taguro way lang gfandeng sis fagawayanan.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Esekyel 37:9

Ay Yawi nalong sa angku te, “Taw at baguama, nanlong o sas tagmara te, ‘Au, Fun Dius Yawi, glong au te, tagmara adasugi siginans ufatk fungfung daga. Uyupi ngay mabulan laman gleleg tua.’ ”

Usea 6:2

Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Malakyas 3:6

“Au Yawi at yud gbadbalian. Ay katanya am fag ngay taw, Akub at kasugfunanan, ay fagyudun namin.

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Ruma 11:15

Dius at fagnaiyanun taw Udyu, kanya namasadi fagdaul daga at ngay taw sa anya. Nu katanya, kaugat yay ban Dius nu kaylat kafag ngay taw, kata nu nafaleleg at mabulan.

Ruma 11:29

Dius di gbadbalian at amatanganan sabaliwa nu gfon ay nu gfili.

2 Kurintu. 5:4

Kaduge tam gbanwan ste swa daga, tam bilug at fagbanwanan katsi, e fagagwantanun tam ngay fagidapun. Ay dewa katanya, bunwa at masuad te, kaylat watam kabul, nu bunway kaylat tam namul sik bagu fag bilug, laman tam bilug takabul way umtubus sa sik bilug at yud kabul kabavn.

Filipus 3:21

Nu ndasug ban ginanya fag menit, kanya gtubus tam bilug ste swa daga ay gfafasine ban kata at bilug. Kanya namakamulun takatanya siginan at fagmabalyananun tagfagtainan sas fagayu nusnga setaw.

1 Tesalunika 4:14

Gafanud tam te, Isus anbul ay nadog yay naleleg, nu katanya, gafanud yangay tam te, Dius ban nantaban fagayu at kinbul tagafanud sas Isus.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

At Nafasure 20:13

Ay dagat nafasure at ngay kinbul tagsanya. Ay fakabulun ay at kinbul at talun nafasure at ngay kinbul sanya. Ay e nafatuyan sabaliwa kafag ngay taw at ngay mesa nafakamulun.

At Nafasure 21:4

‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”

At Nafasure 6:8

Ay nadama au, ay ku nalag sik kabayu mamalaksian. Ay tagsakay sanya at ngayan Fakabulun. Ay e gguyan anya at ngayan Kinbul at Talun. E nafon sa anya fagmabalyananun gagbilug at faufatk afud daga laman ban namabul siginans fiso ay fanlunus ay fakasaitun ay siginan tagfangagat fag ngay mela.

1 Samwel 15:29

Israel at Dius di kata sik taw takamuag ay at amatanganan di gbadbalian.”