Usea 12:9 - Fanawbuid tagsibaliwas Fakayabian

⁹ Nu katanya, au wan ay Dius Yawi at nafalfas ayu siginan talun Igiptu ay nu katanya glong au te, gdog kban gfabanwan ayu sa sangay fayag at nafalindug galay buknga fag fagmafulun sabaliwa nu Kawat ngay Fayag.

Usea 12:9 ပူးပေါင်းရင်းမြစ်များ

Fakasigadan 25:27

Ay duksay nu n-gurang wan, Isaw sik taggamat mela, ay sa way gugat sad araw. Ay Akub si way gugat sbale ramit ay galaga at ngay fagbaugun.

2 Samwel 7:2

Ay Dabid nalong sas Natan fag taglong te, “Damai, nu gbanwan au si tua at masine fag bale at fangawat kayu sidru, dewa katanya, Fagsuadan Dius at Nasadian siway sik bale ramit.”

Esra 3:4

Kanya fagayu kaful yangay laman sas fagmafulun sabaliwa nu Kawat ngay Fayag kata at marirukan fag suguan sis Muisis at fafil. Ay kanya fagayu nafon at fagirugun fag ngay fanggalangun, kayu menit ginanya fag fagmafulun.

Alubad. 49:7

Dewa katanya, kanya fagayu wa makatu gbayad sas Dius laman gfalangfe at ngay sadili siginans fakabulun.

Alubad. 81:10

Au wan ay Dius Yawi, at nafalfas ayu siginans talun Igiptu. Kata sik manuk tungud riangan nu gfatanganga, eti sa angku, ay gfon au ayu ay ngay fagayudanun.

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Fangatulun 30:12

E ngay taw gamatangan sat sadili te, matuyan wan, ay aroro mangaro at fakamulun mauri way.

Eremyas 35:7

Ay nasugu yangay emi te, ‘Lag am kawat ay ngay bale ay lag gtanum nusnge wain fag ngay fananum ay anggan at ke wat. Ay fagbanwanan bale ramit yakman. Nu gfaning tua ban am takatanya, ngaduge tua ban nu gleleg am dewa nday fag talun nu gbanwan am.’

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

Lebitiku 19:36

Ay fagagbilugun at masinei tua fag famabudbungguan ay fag fantas ay fag famasudsudan. “Au wan ay Dius Yawi at nafalfas ayu siginans talun Igiptu. Faningi fia fagayu ku faugali ay ku ngay suguan ayu. Au Yawi.”

Lebitiku 26:13

Au wan ay Dius Yawi, at nafalfas ayu siginans talun Igiptu, laman diam gafagsuguanan ya sa sangay taw Igiptu. Nafalfas kwan ayu, nu katanya, wam e fakaplaun ya.

Mikas 6:4

Nafalfas koma ayu siginan nu gafagsuguanan am sis talun Igiptu. Nafili au Muisis, ay Arun, ay Miryam laman gfangguna ayu.

Sakaryas 11:5

At nabayad ay at nafilas wa nfaurianan. Ay at nafalao glong te, ‘Yawi, fadi fadi! Maramraman kwan!’ Ay anggan at ngay tagalaga wa nfanyu ya at fagalagaun fag ngay tupa.

Tap 15:41

Au Yawi am Dius gtaban ayu siginans talun Igiptu laman am Dius fia. Au ay Dius Yawi.”

Uan 7:2

Ay nu munakbang wan ngay taw Udyu at fagmafulun sabaliwas bale Fayag,