Usea 12:8 - Fanawbuid tagsibaliwas Fakayabian

⁸ Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Usea 12:8 ပူးပေါင်းရင်းမြစ်များ

Alubad. 49:6

Kafag ngay taw tagseg ay takamatungudun sat ramraman.

Alubad. 52:7

“Damai, kafag taw at yud gafanud sas Dius laman at tagbalabag. Abat ngate, kanya gseg way sat ngay ramraman laman kalangfe, ay aroro mangaro gfamut way at fagmabitsugun siginan nu gfamin at iba.”

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Fangatulun 11:1

Yawi kauri sik taw tagfandaya nu gfabudbungguan, dewa katanya, guseganan nu kasakan tua.

Fangatulun 30:12

E ngay taw gamatangan sat sadili te, matuyan wan, ay aroro mangaro at fakamulun mauri way.

Fangatulun 30:20

Katatuy at mauri fag mangena: kanya namatugtug sa tibak mangama, ay kamuag glong te, “Kwe nafakamulun at mauri.”

Eremyas 2:23

Setain nu malong am te, ‘Wami masuya ay wami gseg Baal?’ Amatangani nu se aksvn nu mauri ay ngay nafakamulun sis datag Inum ay tiba yak asalanan ay nafakamulun. Kata am sik kamelyu tina tagrvbvy at tama.

Eremyas 2:35

glong wayam te, ‘Wami e asalanan. Yawi wa kauri emi!’ Matuyan, namaurianan kban ayu aroro nalong am te, ‘Wami e asalanan.’

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Esekyel 28:5

Aroro sik tagsaful o gfabangsi, anfamut yay am ramraman, nu katanya, kamatungudun o.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 4:8

Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Amus 8:5

Kanbang wam daul ay fagmafulun galay magdanun ay Famiangalay fag Menit nu katabu, laman namalao am ay ngay gutluan, ay nanfamuagan am nu gfabudbungguan ay nu gtas trigu.

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Sakaryas 11:5

At nabayad ay at nafilas wa nfaurianan. Ay at nafalao glong te, ‘Yawi, fadi fadi! Maramraman kwan!’ Ay anggan at ngay tagalaga wa nfanyu ya at fagalagaun fag ngay tupa.

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Malakyas 3:13

Yawi nalong yangay te, “Glong am mauri sabaliwa angku. Dewa katanya, ginto yayam te, ‘Nataw nunda em nalong at mauri sabaliwa emu?’

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 16:13

Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.”

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

1 Timuteu 6:5

Kanya fagayu kaylat kamabadbaboan ay wa matuyan at ngay amatanganan ay wa saful at matuyan. Kanya fag ngay taw at amatanganan, fagfaningun Dius sik balyawvtan way laman karamraman.

At Nafasure 3:17

Glong am te, ‘Maramraman ami, ay ngayu em fagagbilugun nusnge wain, ay wami e fagayudanun ya.’ Ay dewa katanya wam nasaful te, gafalingunan way am ay afanyuan, ay wam e kwa, ay wam glag, ay malulasan way am.