Usea 12:7 - Fanawbuid tagsibaliwas Fakayabian

⁷ Dius glong te, “Ngay tagfaebayad gananad kamuag. Kanya fagayu gagbilug at yud matuyan fag famabudbungguan.

Usea 12:7 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

Fangatulun 11:1

Yawi kauri sik taw tagfandaya nu gfabudbungguan, dewa katanya, guseganan nu kasakan tua.

Fangatulun 16:11

Yawi wa kaylat ngay taw nu gfandaya way nu gfabudbungguan at ngay famalaoun.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Esekyel 16:3

Nanlong o te, ‘Au, Fun Dius Yawi, glong au sas furuan Erusalem te, sik taw Kanaan o! Am mama sik taw Amur ay am mina sik taw Ket.

Esekyel 22:29

At ngay taw gfandaya ay gfangkamul, ay gfalingun at yud e kwa, ngay tagayudan ay ngay taw tagsiginan tibak talun, ay kanya fagayu wa nafalyam kafag ngay taw at ngay mamalong.

Esekyel 28:5

Aroro sik tagsaful o gfabangsi, anfamut yay am ramraman, nu katanya, kamatungudun o.

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Amus 2:7

Kanya fagayu gfaidapan ay wa ggubuk at yud e kwa, ay sanya sik talame nafataladan sik mangena. Nu katanya, nafauri angku.

Amus 3:9

Longi sa sangay tagfangguna sis furuan Asdud ay sas talun Igiptu te, nanmaful am sa tagligung Samarya fag ngay buksul ay nandama am ngay furuan nu gawayan ay nu gafaidapanan.

Amus 4:1

Am fag ngay mangena takadungug sis Samarya, kata am sik ngay baka mataglu sis Basan. Ay fakamulun, gfaidapan am ay gfalingun ngay taw at yud e kwa, ay gsugu am ay ngay mangama te, “Namul am fanlangu ay nanginum watam.” Nu katanya, dungugani

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 7:2

Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Sakaryas 14:21

Ay fagayu bisu sis Erusalem ay sis Uda umyud e malong laman at mafasamanan sas Yawi at Mabalyanan. Aroro fagayu taw takadasug laman namon at fanggalangun namul kafag ngay bisu tiba laman at fagseudan. Ay ginanya ban fag menit, we gfalao ya sis Yawi at Mabalyanan at bale.

Sakaryas 5:8

Ay kanya fag tagbarita nalong te, “Kanya fag mangena fakatoglagan asalanan.” Ay sanya ginan kafag tagbarita natigna kafag mangena sasad basad sabi ay nadog nasuklub.

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Uan 2:16

Isus nalong sa sangay tagfabayad labikung te, “Buli wan ste ginan kanya fagayu. Lag am kawat ku Mama at bale laman sik fagfungsuan.”

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

1 Samwel 12:3

Katsi si au ay daga salubangan. Longi angku nu e nafakamulun kway sa ayu at mauri, ste sis Yawi ay at nafili fag fun at daga salubangan. O e nabul au ay ngay baka ay ay ngay asnu? O batang au kamuag ay gfabayan ayu? O ay batang au get sa ayu famayad laman gfae yud e masuad nusnga sinu si ayu at ke asalanan? Nu e nalag wayam ku nafakamulun takatanya fagayu, au waban tagfafasine.”