Usea 12:6 - Fanawbuid tagsibaliwas Fakayabian

⁶ Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 12:6 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

Alubad. 123:2

Yawi em Dius, gfanya ami nu kafanyu o emi, kata sik fagsuguan nu gfanya at tagfayafun nu gfon sa anya.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Alubad. 37:7

Manabayani tua sis Yawi at daga salubangan, ay agwantai tua fanyai at fagnamakamulunun. Lag o galabian at mauri fag ngay taw dewa manabayan nu gbanwan, siginan at mauri fag balyawvtan.

Nu Galin 3:15

Ay Dius gdog yay nalong sas Muisis te, “Longi sa sangay taw Israel te, ‘Yawi, ay mangaguyang Abrayam, Isak, ay Akub at Dius, nasugu angku sa ayu.’ Ay kabavn ay ngay kasugfunanan gtoglag tua angku te, Yawi.”

Fangatulun 1:23

Dungugani ku foyungan ayu fag ngay fansalag. Glong au sa ayu nusnga setaw tagsi ku amatanganan. Ay glong kyangay ku fakauriun tagsi ayu,

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Isayas 1:16

Fasinei wan ay ngay sadili kata nu gigus am. Faragangi wan nu gfakamulun am at mauri sa ku daga salubangan.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 31:6

Am fag ngay taw Israel, maksvn nung am nafamabo Yawi. Afolii wan sa anya.

Isayas 40:31

ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Isayas 58:6

Ay ku fakaylatun nu yud am gfangon laman darangin, sik darangin tua ke fagmatuyanun: Faragangi wan nu gfakamulun am at mauri, ay matuyani tua nu gfawabilugan am, ay falfasi ngay tagafagsuguanan ay gubuki tagafalingunan.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Eremyas 22:15

O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.

Esekyel 18:30

“Ngay taw Israel, glong au ayu te, au Yawi at mabalyanan at nanginsaful ay ngay fakamulun. Nu katanya, falyami wan fagayu ay asalanan laman ban diam gafaurianan.

Usea 10:12

Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Uel 2:12

Yawi nalong te, “Afolii wan sa angku sas fagdaul ay amatanganan; siginan nu yud am gfangon laman gdarangin, ay nu gwayway am, ay nu kabalu am.”

Uel 2:13

Ubuni wan ay fagmauriun sas fagdaul ay amatanganan siginan nu ggirat am ay ngay lanbung, laman gfasaful am sa sangay taw te, gubun am ay ngay asalanan. Afolii sa ay Dius Yawi, aroro kanya mafangafanyu ay mafamamatang, ay mafangesug ay di masakit gfangadotama. Ay mafalganan tua gfabali at amatanganan laman di gfadasug ngay faurianan.

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Amus 5:24

Ku fakaylatun, fataglayuni nu gfakamulun am at matuyan ay at masine, kata sik liskung yud karagang nu gfamilugan.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Sefanias 3:8

Nu katanya, am fag ngay taw Erusalem, fanyai at buknga nu namauri au ngay talun. Aroro anke algan au namaful ngay talun ay ngay fagfagtainanan laman namadasug sa anya fagayu ku fandotaman at maksvn takata sik afuy nu girug fagdaul daga.

Sakaryas 7:9

“Katatuy ku longan sa ku ngay taw, ‘Matuyani tua nu ginsaful am. E fagmasineuni tua ay e fakafanyuni sas galay am at sadi.

Sakaryas 8:16

Katatuy ay fagnamakamulunun: at matuyani tua ay ngay longan, ay matuyani yangay nu gfawabilugan am laman sa ay fagmasineun.

Fakamulun 2:38

Ay Pedru nabalus te, “Ubuni ay ngay asalanan ay asurungi sa tam Fun Isus at ngayan, laman sik fakatoglagan te, nalyam wan ay ngay asalanan ay magbilug am at Masine fag Falad Dius at fon sa ayu.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.