Usea 12:10 - Fanawbuid tagsibaliwas Fakayabian

¹⁰ Nafakamatoan au sa ay ngay taglong, ay nafalag au sa anya fagayu ngayuk taginfan. Ay siginan anya fagayu, nafadasug au sik famararang te, gafaurianan waban am fia.

Usea 12:10 ပူးပေါင်းရင်းမြစ်များ

1 Fun 13:1

Ginanya Yawi nasugu at fagsuguan at sadi siginans Uda. Kanya andasug sas Betel, gina fun Erubuam malindug sis day fagirugan laman namon at fanggalangun.

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 19:10

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Eremyas 19:1

Yawi nalong sa angku te, “Namayad o sik tikung sa takawat tikung. Sanya ginan, tabani tibak tagfangguna ay tagfon fanggalangun at ngay tagfangguna tiba,

Eremyas 19:10

Sanya ginan, Yawi nalong sa angku te, “Rufai am buba fag tikung si sangay taw at nanangalo emu at daga salubangan.

Eremyas 25:4

Ay dewa Yawi gsugu gugat sa ayu at ngay fagsuguan fag ngay taglong, wam kasalag ay wam gdungugan.

Eremyas 7:25

Siginan ay ngay mangaguyang nu glao siginans talun Igiptu dasug katsi, gfataglayun kyay oma gugat gsugu ku ngay fagsuguan fag ngay taglong sa ayu.

Esekyel 17:2

“Taw at baguama, nanlong o sa sangay taw Israel takata tuy fag faydayuanan.

Esekyel 20:49

Sanya ginan, nalong au te, “Fun Dius Yawi, ngay taw glong te, ku ngay nalong sik ngay faydayuan way.”

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Usea 3:1

Yawi nalong sa angku te, “Usea, ulii yap, ay namasaful o sam mangena te, kesug yay o fia anya dewa sik takamatugtug. Esugi anya kata nu kesug au ngay taw Israel dewa naseg tibak fagsegan siginan nu gfon ngay tinapay ke ngay famasuglat.”

Uel 2:28

Sanya ginan, namon kban ku Falad sas nusnga sinu fag taw. Ay ay ngay sisian ban namoyung ku ngay longan. Ay ay ngay fagtainan ban umke ngay taginfan. Ay ay ngay baguama ban lumag ngay taginfan.

Amus 7:14

Ay Amus nabalus Amasya te, “Ebi bunkya sik taglong ay sik fagsuguan, sik tagalaga kyay ngay tupa ay ngay fun kayu sikumuru.

Tap 12:6

Yawi nalong te, “Dungugani angku! Nu e taglong kdi si ayu, garingang kro sa anya siginans taginfan.

Fakamulun 2:17

Dius nalong te, ‘Sa ban taguyan fag ngay menit, gfon kban ku Falad sas fagayu taw. Ay ngay baguama ban ay ay ngay baguina mafafoyung tua ku longan, ay ngay baguama ban umke fagsafulun sabaliwa takafasludan sas fagunan. Ay ngay fagtainan ban umke ngay taginfan.

2 Kurintu. 12:1

Katsi nanfamatungudun au, dewa au nasaful te, takatanya we tungkul. Nanlong au sa ayu sabaliwa sik ngay taginfan ay sik ngay foyungan siginan tam Fun.

2 Kurintu. 12:7

Ay dewa katanya, laman kdi kamanagsag sabaliwa Dius at foyungan sa angku at maksvn nu madulo, Dius nafadasug sa ku bilug sik fanmomuy daul, siginan Satanas at tagbarita nu gurus sa ku bilug sik takata sdugi. Dius nafadasug sa angku takatanya laman kdi kamatungudun.