Usea 11:8 - Fanawbuid tagsibaliwas Fakayabian

⁸ Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 11:8 ပူးပေါင်းရင်းမြစ်များ

Fakasigadan 14:8

Ay Suduma ay Gumura ay Adma ay Sebuyim ay Bela (at ngayan yangay te, Suar) at ngay fun nafafalganan at ngay mesa tagfawayan sis Sidim fag tagubungan,

2 Samwel 24:16

Ay gina tagbarita namabul ngay taw sis Erusalem, Yawi anfanyu kafag ngay taw. Nu katanya, kanya nalong sa kafag tagbarita te, “Sabv ro! Faragangi wan nu gfaurianan o anya fagayu.” Ginanya Yawi at tagbarita malindug sis Arauna at fagruyusan, kanya sik taw Ebus.

1 Fun 3:26

Siginan kafag ngenge at mina nu kesug, kanya nafainfanyuan sas fun Sulumun te, “Lag gfabul kafag ngenge, foni wan sanya fag mangena.” Dewa katanya, at sadi fag mangena glong way te, “Baltaki wan kanya fag ngenge laman ro wami e magbilug anya.”

2 Fun 13:23

Dewa katanya, Yawi kafanyu tua gugat ay gamatang anya fagayu aroro sat fatuyanan sas Abrayam, Isak, ay Akub. Nu katanya, dasug katsi, Israel di nkamin ay di naiyanan.

2 Krunika 36:15

Yawi, kafag ngay taw at mangaguyang at Dius, gfakamatoan gugat anya fagayu, siginan at ngay taglong, aroro kanya kafanyu at bale ay kafag ngay taw.

Alubad. 106:45

Ay Dius namatang at nasadian sat ngay taw, ay siginan nu mafangesug, di nafataglayun nu kadotama at ngay taw.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 63:15

Damai emi siginans banwa, am fagbanwanan at yud e malong ay at masine. Wain am fagyudun ggubuk ya emi, ay am fagyudun gfasure ya am fagmabalyananun sa emi? Wo kesug ya ay kafanyu emi.

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 3:12

Katsi loi wan ay foyungi sas Israel takatatuy fag foyungan: ‘Yawi nalong te, Am fag ngay taw Israel takamabo, afolii wan sa angku, aroro mafangafanyu ktua, ay kabavn ban kdi kadotama ya ayu.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Eremyas 9:7

Nu katanya, Yawi at Mabalyanan nalong te, “Namasine kban kanya fag ngay taw, kata nu gfasine gintu, ay namaskud kban anya fagayu. Nataw ya ro ku fagmafakamulunun sa anya fagayu?

Takabalu 1:20

Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Takabalu 3:32

Kanya dewa gfaurianan antam, gfalag sa antam at fakafanyun ay nu kesug yud e fakatabuan.

Takabalu 3:33

Aroro kanya wa kaylat nu gafaurianan tam ay gidapan.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Esekyel 6:9

ay kanya ban fagayu sik ngay natabanan. Ay gina gbanwan sa tibak talun, sanya yaban nu gamatang angku, ay sanya yangay ban nu gamatangan te, nu se aksvn nu kauri au at nafamaboan angku ay nu gseg at ngay fagsegan. Ay kanya ban fagayu maksvn nu kauri at mesa sadili, aroro at ngay nafakamulun maksvn nu mauri ay nu masuya.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Amus 7:3

Nu katanya, Yawi nafabali yay at amatanganan ay nalong te, “Wa ban umfasludan ya takatanya.”

Amus 7:6

Ay nu katanya, Fun Dius Yawi nafabali yay at amatanganan ay nalong te, “Wa ban umfasludan ya takatanya.”

Mikas 5:3

Nu katanya, Yawi ban gfagbilug wan ngay taw Israel sat ngay fawayan yakmay ban sik mangena nainkidapan nafasalug sik munama, at nanfangguna ban taw Israel. Ay kanya ban fag tagfangguna at ngay kaiban at natabanan sa tibak talun, umfoli yay sat ngay kaiban.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Deuterunumyu 29:22

Sa ban at fadogan ay kasugfunanan ay at ngay betaw tagsiginan tibak talun lumag ban takadasug fag ngay fagidapun, ay fag ngay fakasaitun, ay Dius Yawi at fagnamadasugun sa ayu.

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.

Udas 1:7

Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

At Nafasure 18:18

Ay kanya fagayu kaduge gdama kafag furuan daul nu kanus gigang, guro te, ‘We gfasud kanya fag furuan nu mabalyanan.’

Tagfangguna 10:16

Sanya ginan, ngay taw Israel naubun wan at ngay fagsegan ay naseg Yawi. At matuyan, Yawi wa kagwanta glag ngay taw Israel nu gidapan.