Usea 11:4 - Fanawbuid tagsibaliwas Fakayabian

⁴ Naufud au anya fagayu fagdaul ku fakesugun, kata sik taw nu galaga at baka laman namafangon anya.

Usea 11:4 ပူးပေါင်းရင်းမြစ်များ

2 Samwel 7:14

Ay kanya ban gtuyan angku te, at mama, ay gtuyan kyangay ban anya te, ku baguama. Ay kanya ban nu nke asalanan, gsalag au anya kata sik mama nu gsalag at sisian.

Alubad. 105:40

Ngay taw Israel nu naet fakonun, Dius nafon sik ngay fugu ay tinapay, ay nafapsug anya fagayu.

Nu Galin 16:32

Muisis nalong sa anya fagayu te, “Yawi nasugu te, ‘Fasamani sik salup mana laman anggan ban sat fadogan ay kasugfunanan, ay laman ban kanya fagayu lumag ku nafon sa ayu fag fakonun sis talun at yud e taw, gina au nafalfas ayu siginans talun Igiptu.’ ”

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Usea 2:8

Gumer wa namatangan ya te, au at nafon anya ngay rawvg, ngay fanlangu, langis ay ngayuk gintu ay salapi. Ay kafag ngay gintu ay fag ngay salapi kanya wan kafag ngay mangama at fangawat Baal fag fagsegan.

Lebitiku 26:13

Au wan ay Dius Yawi, at nafalfas ayu siginans talun Igiptu, laman diam gafagsuguanan ya sa sangay taw Igiptu. Nafalfas kwan ayu, nu katanya, wam e fakaplaun ya.

Uan 12:32

Ay nu e nafabat angku siginans daga, namakbang kban fagayu taw sa angku.”

2 Kurintu. 5:14

Tam Fun Isus wan at fakesugun tagsugu emi katanya. Aroro nasaful wami te, kanya anbul laman sas fagayu taw, nu katanya, fagayu tam antap yangay tam te, anbul tam gasfuan anya.

Deuterunumyu 32:12

Yawi wan taggubuk at ngay taw, ay we tibak fagsegan taggubuk anya.

Deuterunumyu 32:14

Kanya nafon yangay sa anya fagayu ngay fagbaugun at susu bilug, ay at susu bilug at kindai ay at mataglu fag ngay tupa, fag ngay baka ay fag ngay kambing tagsiginans Basan. Ay kanya nafon yangay at masine fag ngay rawvg trigu ay nafainum at masine fag fanlangu siginans wat ubas at rawvg.