Usea 11:3 - Fanawbuid tagsibaliwas Fakayabian

³ Au at naulit anya fagayu. Nataban au anya fagayu, ay gfoyung au anya fagayu nu glao, ay dewa katanya, wa natoglag te, au takafanyu anya.

Usea 11:3 ပူးပေါင်းရင်းမြစ်များ

Alubad. 107:20

Kanya naringang, ay kanya fagayu anfia, ay nafalangfe siginans fakabulun.

Nu Galin 15:26

“Au ay Dius Yawi. Nu gfaning tua ban am angku sas fagdaul ay amatanganan, ay nu gfakamulun tua ban am at masine sa ku daga salubangan, ay nu gfaning tua ban am fagayu ku suguan ayu ay ku faugali, kwa ban gfadasug sa ayu ngay fakasaitun kata ku nafadasug sa sangay taw Igiptu aroro au Yawi ay tagfafia.”

Nu Galin 19:4

‘Nalag wam ku nafakamulun sa sangay taw Igiptu, ay nu gtabanan au ayu sa angku, kata sik bio nu gbuba at ngay riangan sit fakfak.

Nu Galin 23:25

Nanseg am angku, ay Dius Yawi, ay namon au ayu tangayu fag fakonun, ay mamam, ay namafia au ayu,

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 46:3

Akub at ngay kasugfunanan, am at sawad fag ngay taw Israel, dungugani angku. Nalaga au ayu siginan ngay nu kasalug am.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Usea 14:4

Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.

Usea 2:8

Gumer wa namatangan ya te, au at nafon anya ngay rawvg, ngay fanlangu, langis ay ngayuk gintu ay salapi. Ay kafag ngay gintu ay fag ngay salapi kanya wan kafag ngay mangama at fangawat Baal fag fagsegan.

Usea 7:1

Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.

Usea 7:15

Nafoyung koma anya fagayu sabaliwa nu kaksvn, dewa katanya, at algan at mauri way gugat sa angku.

Fakamulun 13:18

Ay kaduge ufatk safuluk banwa, Dius nagwanta nalaga anya fagayu sis talun at yud e taw.

Deuterunumyu 1:31

Ay nalag yangay am, ay Dius Yawi nu gufud ayu gina am sit yud e gbanwan fag talun. Kanya naulit ayu kata sik mama nu gulit at ngay sisian, yakmay am andasug sanya fag talun.”

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.

Deuterunumyu 8:2

Amatangani nu setain Yawi nu gufud ayu gina am glao sis talun at yud e taw kaduge ufatk safuluk banwa. Kanya nafakamulun sa ayu takatanya laman kamababaun tuam ay namaskud ayu te, o gfaning tua ban am fia at suguan ay duan.