Usea 11:11 - Fanawbuid tagsibaliwas Fakayabian

¹¹ Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Usea 11:11 ပူးပေါင်းရင်းမြစ်များ

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 60:8

Nataw manga atsi tagfioan takata linyabu tagiwangan sis kiwang ay takata labikung nu guli sat fugad? Kanya furuan Tarsis at ngay sakayan lino gbuba am ngay taw, laman namauli siginan tangayayu fag talun, ay e buba sanbung salapi ay gintu laman sa angku, ay Dius Yawi, Israel at Dius at yud e Malong, aroro kanya gfauseganan ktua emu.”

Eremyas 31:12

Kanya ban fagayu glao sas Buksul Siun ay guro guseganan. Ay guseganan ban aroro sa ku ngay nafon sa anya fagayu. Ay umkayu ban at gutluan, ay ubas at mamam, ay at langis ulibu, ay at ngay fagbaugun. Ay kanya ban fagayu umkata sik ngay tanuman at malayun tua nu e gfarugme, ay wa ban gdog ya e fakabaluun.

Esekyel 34:27

Ngay kayu ban grawvg tua anggan kafag ngay taw at ngay tanum, ay kanya ban fagayu di e fakalimuun, ay gina kban naiyan tagfagsuguan anya fagayu, kanya ban fagayu sumaful te, au Yawi.

Esekyel 34:28

Tiba bank talun at ngay taw wa mafauri ya kafag ngay taw ay anggan ban ngay mangilafang tagsis talun wa manangagat ya anya fagayu. Ay kanya ban fagayu gbanwan manabayan ay di e fakalimuun ya.

Esekyel 37:21

Ay longi sanya fag ngay taw te, ‘Au, Fun Dius Yawi, glong au te, namaful kban ngay taw Israel siginan at fagnangarapyagan fag ngay talun, ay namafoli sat talun.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Sakaryas 10:10

Namauli au anya fagayu siginans Igiptu ay siginans Asirya. Ay namafoli au sas Gilyad ay sas Lebanun. Ay wa ban sak ya sit talun.

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”