Usea 11:10 - Fanawbuid tagsibaliwas Fakayabian

¹⁰ Galo am angku nung au gsubang kata sik liun. Ay gina au gsubang, masakit nu guli am siginans fakayabian.

Usea 11:10 ပူးပေါင်းရင်းမြစ်များ

Ub 37:1

Nu gfulug wan ku dubdub gsubsubuan.

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 2:11

Fakamuluni at ke fakalimuun sas Yawi, ay fauseganani sa anya.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Isayas 31:4

Katatuy Yawi at nalong sa angku te, “We mafasalag sik liun nu gngarngar gina e nagamat, dewa ngay tagulit ngay fagbaugun guro. Katanya yangay, we mafasalag angku nu gbalabag au Buksul Siun.

Isayas 42:13

Yawi namawayan kata sik tagfawayan at mafalganan. Kanya guro sik famasaful te, namawayan wan, ay namabo at ngay fawayan.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Isayas 64:2

Afuy nu mafairug way at magong fag ngay sanga ay nu mafauluk way mamam, katanya yangay ban nu kadasug o. Am ngay fawayan ban fag ngay talun at ngay taw gtadtaruyan, ay kanya ban fagayu sumaful te, sinu o.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Eremyas 2:2

“Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Eremyas 25:30

“Eremyas, foyungi sanya fag ngay taw fagayu ku longan, ay longi yap te, ‘Yawi guro siginans banwa, ay at uro kata nu gtungtung siginan at yud e malong fag bale. Ay guro maksvn sat nafili fag ngay taw. Ay guro yangay sas fagayu tagbanwan sas fagdaul daga kata sik taw taguro kaduge gturis wat ubas at rawvg.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 5:22

Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Esekyel 26:16

Ay fagayu ban talun tagsis tigyangan dagat at ngay fun glao siginan at mesa faglunggungan, ay gbul ban siginan at ngay bilug at fanfunan fag ngay lanbung, ay anggan at ngay lanbung tagtayuk fia at ngay bilug. Ay kanya ban fagayu malunggung sis daga ay gtadtaruyan ban kalimu aroro sat kindasug sa emu.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Uel 3:16

Yawi ban at aringang gbia kata sik lingsi siginans Buksul Siun. Nu katanya, daga ay banwa muigan. Dewa katanya, Yawi wan ngay taw Israel at mogat fag fagsarigan.

Amus 1:2

Amus nalong te, “Yawi at aringang gbia kata lingsi siginans Buksul Siun. Nu katanya, fagfafangonan ngay tupa an-gong wan, ay anggan sis buksul Karmel at ngay tanum anlangke wan.”

Amus 3:4

O nunda sik liun gsubang deyud e fagnangagatun? Ay o gngarngar deyud e nagamat?

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Mikas 4:5

Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Sakaryas 10:10

Namauli au anya fagayu siginans Igiptu ay siginans Asirya. Ay namafoli au sas Gilyad ay sas Lebanun. Ay wa ban sak ya sit talun.

Sakaryas 10:12

Gfabitsug kban ku ngay taw, ay siginan ku ngayan umke fagmanabayanun. Au, Yawi, taglong tuy.”

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Fakamulun 24:25

Ay Pablu gfataglayun wa gugat nu gfoyung sabaliwas fagmatuyanun ay nu gfaragang at sadili, ay sabaliwa takadasug ban fag menit Dius nu ginsaful fagayu taw at ngay asalanan, fun Feliks anlimu maksvn ay nalong sas Pablu te, “Sabv yap ro nu gfoyung o! Nu e buknga kyay ban, gdog kyay gfauro emu.”

Ruma 8:1

Nu katanya, at kinsadi sa tam Fun Isus, kanya ban di gafaurianan.

2 Pedru 2:10

Kaugat wan ngay tagfaning at bilug at fakaylatun, ay takauri tam Fun at fagmabalyananun. Takatanya fag ngay taw at yud gfangapla ay kamatungudun, ay wa gadgaragun gfalingun ngay awatan at mabalyanan tagsis banwa.

At Nafasure 10:3

Ay kanya nafabia nu guro, kata liun nu gsubang. Ay e nabalus anya fitu daulk awang lingsi.