Usea 10:8 - Fanawbuid tagsibaliwas Fakayabian

⁸ E rumasras ban at ngay bale fagnansegan si tangabat fag buknga sis Aben, tagfae asalanan ngay Israel. Ay at ngay fagirugan fanggalangun umfaut wan siginan at madugi fag ngay makmak. Ay kanya fagayu glong ban sa sangay buksul te, ‘Fakwani wa emi.’ ”

Usea 10:8 ပူးပေါင်းရင်းမြစ်များ

Fakasigadan 3:8

Ay nu gakayabiun wan, dadwa nadungug Yawi nu glao sis wa tanuman Eden. Ay dadwa nasuksuan sa sangay fun kayu.

1 Fun 13:2

Yawi nasugu at fagsuguan laman namauri kafag fagirugan, ay glong te, “Katatuy Yawi at longan: E kasalug ban sik munama at ngayan Usyas, siginans Dabid at kasugfunanan. Ay gina ban an-gurang, kanya nangirug ste fag fagirugan ngay tagfon fanggalangun tagfakamulun si sangay fagnansegan si tangabat fag ngay buknga. Ay at ngay butul ban umkirug sanya.”

1 Fun 13:34

Aroro siginan takatanya fag asalanan, fun Erubuam at kasugfunanan we sawad ya sas fagdaul daga.

1 Fun 14:16

Ay Yawi ban gfabayan ngay taw Israel nu gababawan sat ngay fawayan aroro siginans Erubuam at ngay asalanan at nafae asalanan ngay taw Israel.”

2 Fun 23:15

Usyas nasugu yangay laman grufa fagirugan tagsisad basad bale fagnansegan sa tangabat fag buknga sis furuan Betel. At nafawat kafag bale, Erubuam, Nebat at baguama, at nafae asalanan ngay taw Israel. Usyas nasugu laman namuan ay nangirug tagsanya fag ngay turuk fagtoglagan Asera fag fagsegan.

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

Isayas 2:19

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Isayas 2:21

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban gfabulun glagyu nanuksuan sa sangay gang tagbia ay sa sangay daga luib sa sangay fungsu.

Isayas 32:13

Sa ku ngay taw at daga e tumugbung sik ngay makmak madugi. Kalyam ban at manabayan fag furuan at ngay bale.

Isayas 34:13

Ay tumugbung sanya sik ngay makmak madugi sit maaladan fag afud furuan. Ay sanya ban tagbanwan sik ngay ebo way lang ay ngay idu talun.

Usea 10:2

Ay kanya fagayu kamuag wan, ay katsi kanya fagayu gafaurianan aroro sat ngay asalanan. Dius nanrasras at ngay fagirugan fanggalangun ay at fagsegan fag ngay gang.

Usea 10:5

Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 10:9

Dius nalong te, “Am fag ngay taw Israel, gfataglayun wayam gugat gasalanan siginan ebi ay ngay mangaguyang nu gasalanan sis Gibya, ay wam gtubus ya. Nu katanya, am wan fag ngay tagfakamulun at mauri, e gfawayan ayu sis Gibya.

Usea 2:6

Nu katanya, nangubung kwan anya sik madugi fag fangalad laman wa maduksun.

Usea 4:13

Ay glao am sa sangay tungud fungsu ay sa sangay buksul ay sa sangay daga kayu at marabung laman namon am ay fagirugun fag ngay fanggalangun. Nu katanya, ay ngay baguina nanamataladan ngay mangama, ay ay nugang fag ngay mangena kamatugtug.

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Usea 5:8

Uyupi ngay budyung laman sik famararang sa sangay taw Gibya ay Rama. Fadungugi sas Bet-Aben te, e awayan! Ngay taw Benamin, am at namangguna.

Usea 8:5

Kwa kaylat ngay taw Samarya at fagsegan fag baka. Maksvn nu kadotama au anya fagayu. Seduge ya ban kanya fagayu nu yud gfakamulun at masine?

Usea 9:6

Dewa am glagyu fakabulun, gfaful yay ban ayu sas talun Igiptu ay namoli ayu sas Memfis. Ngay makmak ay madugi fag ngay tanum gfaut ay ngay mabyat fag ngay fagagbilugun salapi ay ngay bale.

Amus 1:5

Nanrasras kyangay ban furuan Damasku at sakbawan alad, ay namamin kban datag Aben, ay furuan Bet-Eden at tagfangguna. Ay e nanggamat ngay taw Sirya ay nantaban sas talun Kir. Au, Yawi, taglong tuy.”

Amus 3:14

Gina kban gfaurianan ngay taw Israel aroro sat ngay asalanan, nangiklas kban ngay fagirugan sis Betel. Ay nanrabas kban sis fagirugan at ngay fugungan fag ngay sunge ay umtong sas daga.

Amus 7:9

Ay nangiklas kwa ban ngay taw Israel, Isak at kasugfunanan, at ngay fagnansegan sa tangabat fag afud. Gsugu kban Israel at ngay fawayan laman nangiklas fun Erubuam at fagfunanan.”

Amus 8:14

Namaurianan kban ayu, am fag ngay taw tagfatuyanan glong at maksvn sas Samarya, sas Dan ay sas Beerseba at ngay fagsegan, ay wa ban am manangabangkad ya.”

Mikas 1:13

Am fag ngay tagbanwan sis furuan Lakis, fasayangi sa ay ngay kabayu ay ngay faguyudan ay lagyui wan. Aroro nafaning wayam ngay taw Israel at nafakamulun mauri, ay taw Siun nafaning yangay ayu nafakamulun at mauri.

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Naum 3:11

Taw Ninibe umkata am sik ngay tagalangu at yud saful at kindasug. Ay ngay fawayan kadasug laman namawayan ayu. Nu katanya, nanrvbvy am ay ngay fagnanuksuanan laman diam gagamatan.

Lukas 23:30

Kadugenya, ‘ngay taw ban lumong sa sangay fungsu te, “Atongi sa emi,” ay sa sangay buksul te, “Tabuni emi.” ’

Deuterunumyu 9:21

Ay sanya ginan, nabul au ay nawat fag fagsegan baka riangan, at nafae asalanan ayu, ay nairug au, ay narufa au kata lukbu ay nafalimus sasad liskung tagfamilugan siginans buksul.

At Nafasure 6:16

Ay kafag ngay taw glong sa sangay buksul ay sa sangay gang te, “Atongi sa emi laman ro wami glag tagmalunggung sis faglunggungan, ay laman ro wami lumag Tupa Riangan at fandotaman.

At Nafasure 9:6

Ay kadugenya fag ngay menit, ngay taw grvbvy balyawvtan laman kabul, ay dewa katanya, wa nke balyawvtan. Kafag ngay taw kaylat oma daul kabul, ay dewa katanya, wa kafasludan takatanya sa anya fagayu.