Usea 10:5 - Fanawbuid tagsibaliwas Fakayabian

⁵ Ngay tagbanwan sis Samarya kalimu, aroro at ngay fagsegan fag baka tina tumad sis Bet-Aben umkalyam ban. Ay at ngay tagfon fanggalangun taguseganan sat ngay fagsegan at kamasinean gwayway ban, aroro gbul siginan anya at ngay fagsegan,

Usea 10:5 ပူးပေါင်းရင်းမြစ်များ

2 Fun 10:29

Dewa katanya, kanya wa natalyuyan at asalanan, nafaning way Erubuam, Nebat at baguama at nafakamulun, at nafae asalanan ngay taw Israel. Kanya fagayu gseg fagsegan fag ngay baka at mawatan siginans gintu tagsis Betel ay Dan.

2 Fun 17:16

Kanya fagayu natalyuyan Yawi at ngay suguan ay nawat duak fagsegan tumad baka, ay turuk fagtoglagan Asera fag fagsegan. Fagayu taw naseg nusnge wain tagsis banwa ay sas Baal.

2 Fun 23:5

Kanya naiyan tibak fagsegan at ngay tagfon fanggalangun. Kafag ngay tagfon fanggalangun, Uda at ngay fun at nafili, laman at nangirug famaebebanglu sa sangay bale fagnansegan sa tangabat fag ngay buknga sis talun Uda ay sis furuan Erusalem laman sas Baal, ay sas menit ay sas magdanun ay sa sangay galeme.

2 Krunika 11:15

Ay Erubuam nafili at tagfon fanggalangun laman gfakamulun sa sangay bale fagnansegan sa tangabat fag ngay buknga, ay laman sat nafawat fag ngay fagsegan kambing ay baka.

2 Krunika 13:8

Ay katsi kaylat am namawayan Yawi at fagfunanun, at nafatigwanan sas Dabid at ngay kasugfunanan. Ay kamatungudun am te, ngayu ay tagfawayan, ay gbuba am Erubuam at nafawat fag fagsegan fag riangan baka at mawatan siginans gintu.

Isayas 46:2

Kanya fag ngay fagsegan mataygilid, ay wa mafafalangfe at nafasakay anya. Ay anggan kanya fag ngay fagsegan natabanan yangay.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Usea 5:8

Uyupi ngay budyung laman sik famararang sa sangay taw Gibya ay Rama. Fadungugi sas Bet-Aben te, e awayan! Ngay taw Benamin, am at namangguna.

Usea 9:1

Usea nalong te, “Am fag ngay taw Israel, faragangi wan nu guseganan am kata tibak ngay talun, aroro gseg am sa tibak fagsegan ay kayayu wayam ay Dius. Dewa nday fag fagruyusan fare, gseg wam ay gutluan ay glong am te, ‘Tuy wan tam famayad siginan tam ngay fagsegan aroro gseg tam anya.’

Usea 9:11

Ngay taw Israel, ay fagmabalyananun umkalyam kata sik manuk tungud taglayugan. Ay ngay mangena wa ban gfafion ya ay wa gsisian ya.

Amus 3:14

Gina kban gfaurianan ngay taw Israel aroro sat ngay asalanan, nangiklas kban ngay fagirugan sis Betel. Ay nanrabas kban sis fagirugan at ngay fugungan fag ngay sunge ay umtong sas daga.

Sefanias 1:4

Namaurianan au ngay tagbanwan sis Uda, ay fagayu tagbanwan sis Erusalem. Namamin kyangay at kinsawad tagseg Baal fag fagsegan, anggan ngay tagfon fanggalangun tagfakamulun sanya laman ban kanya fagayu wa kamatang ya.

Fakamulun 19:27

Nu katanya, namatangan au te, wa ban tam e fagbulun ya salapi, ay ngay taw ban gamatangan yangay te, we tungkul tam ngay nawat. Saman ya kanya, ngay taw ban kauri wan tam fagsegan Artemis at bale fagnansegan, ay anggan wa ban e tungkul ya, ay fagayu ban taw tagseg anya stes Asya ay sas fagdaul daga, wa gseg ya.”

Uswe 7:2

Siginans Eriku, Uswe e nasugu sik ngay taw laman nanginsaful sas Ai. Ai sik furuan sis fakamenitan baliwa sis Betel, munakbang sis Bet-Aben. Nu katanya, ngay taw nalao laman nanginsaful kanya fag furuan.

Tagfangguna 18:24

Mikas gbalus te, “Wain ay fagintoun yay gugat? Nabul am ku ngay nafawat fag fagsegan anggan ku tagfon fanggalangun. We sawad ya si angku.”