Usea 10:14 - Fanawbuid tagsibaliwas Fakayabian

¹⁴ kadasug ban sik awayan sa ay ngay taw, ay karasras ay ngay furuan ayu daul at maaladan. Am ngay fawayan gfakamulun kata Salman at nafakamulun sis furuan Bet-Arbel, gina kanya nafatong ay nafabul at ngay talnayan.

Usea 10:14 ပူးပေါင်းရင်းမြစ်များ

Fakasigadan 32:11

Ay get au sa emu te, falangfei angku siginan ku faduksay Isaw. Aroro kalimu au te, kanya manga at fagstieun namabul way emi fagayu.

2 Fun 17:16

Kanya fagayu natalyuyan Yawi at ngay suguan ay nawat duak fagsegan tumad baka, ay turuk fagtoglagan Asera fag fagsegan. Fagayu taw naseg nusnge wain tagsis banwa ay sas Baal.

2 Fun 17:3

Salmaneser, Asirya at fun, nafawayan Usea ay nababo. Nu katanya, Israel nafabulunan gfon at ngay famonun galay banwa sas Asirya.

2 Fun 18:33

O nunda e tibak dius sa tibak gaban taw at mafalangfe at talun siginans Asirya at fun at daluap?

Isayas 17:3

Sis Israel fag ngay furuan at maaladan umrasras wan, ay Damasku at fagmabalyananun umkalyam ban. Ay at kumdasug ban sat ngay kinsawad fag ngay taw Aram kata yangay taw Israel at nadalan ebi. Au, Yawi at Mabalyanan taglong takatanya.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Usea 10:15

Katanya yangay ban takadasug sa ayu ngay taw Betel, aroro maksvn ay fagmauriun. Ay gina gakamenitun wan, matuyan taw Israel at fun umbul wan.”

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Amus 3:14

Gina kban gfaurianan ngay taw Israel aroro sat ngay asalanan, nangiklas kban ngay fagirugan sis Betel. Ay nanrabas kban sis fagirugan at ngay fugungan fag ngay sunge ay umtong sas daga.

Amus 3:8

Sinu at yud kalimu liun nu nasubang? Ay sinu at yud nanfamoyung, Fun Dius Yawi nu nasugu?

Amus 9:5

Ay daga guigan, tam Fun, Yawi at Mabalyanan nu nated, ay fagayu tagbanwan sanya gwayway. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Mikas 5:11

Ay namaiklas kban ay ngay furuan daul anggan ay ngay fagnanuksuanan bale at mogat.

Naum 3:10

Dewa katanya, ngay taw Tebes gdog yay natabanan sa tibak talun, ay e nafafalang at ngay sisian sa sangaba dalan. Ay takadungug fag ngay taw masiukan salambitan, ay mesa e nafagsuguan.

Naum 3:12

Fagayu ay furuan at ke alad umkata sik fun kayu igus taguna at rawvg at kinlesan wan, ay nu e nauig at bilugan, at ngay rawvg katong ay e kon wan.

Abakuk 1:10

Kanya fagayu gfalingun ngay fun ay at ngay tagfangguna. At kaksvnan nu gfalingun, kase ngay furuan aroro kanya fagayu makatu way gulul sas alad siginan nu gfabungsud lutuk. Takatanya fag balyawvtan, kanya fagayu masakbo ay magbilug ngay furuan.