Usea 10:12 - Fanawbuid tagsibaliwas Fakayabian

¹² Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Usea 10:12 ပူးပေါင်းရင်းမြစ်များ

Alubad. 105:4

Akbangi sas Yawi, ay afanudi te, siginan tua anya fagmabitsugun, ay masadii tua gugat sa anya.

Alubad. 72:6

Kanya nangus fag fun kata arak tagfarugme ngay tanum ay daga.

Fangatulun 11:18

At mauri fag taw wa magbilug at matuyan fag fanggalangun, dewa katanya, at matuyan fag taw, mul tua at matuyan fag fanggalangun.

Fangatulun 18:21

Sik taw at aringang makatu gfalangfe ay gfabul. Nu katanya, dirii tua nu garingang o, aroro gumutlu ban o kata am ngay nalong.

Takamoyung 11:6

Tanumi am bvtang siginans balabag anggan anyabi, aroro wo saful te, inda fag bvtang tagtugbung, o ay gtugbung tua fagayu.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 32:20

Dius ban ggubuk tua ayu, ay kasakan tua ban at mamam famarugme ay tanuman, ay anggan fagayu ay ngay fagbaugun manabayan gfangonan nusnga nday.

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 45:8

Namae fagmatuyanun au fagayu taw, kata banwa ay linyabu nu gfae arak. Nu katanya, fakalangfean ay fagmatuyanun umrapyag sas fagdaul daga kata sik ngay tanum nu gtugbung. Au Yawi at nafakamulun takatanya.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Eremyas 50:4

“Au, Yawi, glong au te, matuyan ginanya ban fag buknga, ngay taw Israel ay ngay taw Uda kakbang wan sa angku, at Dius Yawi.

Esekyel 34:26

Gfon kban nusnga setaw sa anya fagayu, ay namadasug kban arak sa ku nafili fag buksul ay sat ligung fag ngay talun sit kasakan fag buknga. Kanya ban sik ngay famonun sa anya fagayu.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Amus 5:4

Nu katanya, ngay taw Israel akbangi sa angku, laman ban gleleg tuam.

Amus 5:6

Use at ngay kasugfunanan, akbangi sa angku, laman ban gleleg tuam. Ay wayam kakbang, namamin kban ayu kata sik afuy nu girug. Nu katanya, umkamin ban furuan Betel at ngay taw ay we mafaragang ya.

Amus 5:8

Ay Dius nawat ngay galeme tagfulan at ngayan te, Pleyades ay Uryun. Dius yangay tagfae yamag ay dulum, ay tagfae menit ay yabi. Kanya nafatulbu dagat at mamam sas linyabu, laman gfae arak. At ngayan, Yawi.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Fakamulun 2:18

Ay ginanya ban fag ngay menit gfon kyangay ku Falad sa ku ngay fagsuguan, mangama ay mangena, ay kanya ban fagayu mafafoyung tua ku longan.

2 Kurintu. 9:10

Dius gfon bvtang sa sangay tagtanum ay gfon fakonun sas fagayu taw. Ay kanya gfamut ay ramraman laman kaksvn tua nu kamon am sa sangay yud e kwa.

Santiagu 3:18

Ay sik taw takaylat gfae fagmanabayanun sat ngay iba, umke fagmasineun.