Usea 10:10 - Fanawbuid tagsibaliwas Fakayabian

¹⁰ Kaylat kwan gfaurianan ayu. Nu katanya, tiba tibak talun nangaful laman namawayan ayu, aroro gfataglayun wayam gasalanan.

Usea 10:10 ပူးပေါင်းရင်းမြစ်များ

1 Fun 12:28

Fun Erubuam nu nafakamatoan at ngay tagfangatulun, nafawat duak baka riangan siginans gintu, ay nalong sa sangay taw te, “Malufuy way nu glo am sas Erusalem. Damai, Israel, ste way ay ngay fagsegan at nafaduksun ayu siginans talun Igiptu.”

Ub 39:10

Ay o mafasiuk ro wo, ay magbilug laman nangali am fagtanuman?

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 16:16

“Dewa katanya katsi, namadasug kwan sa anya fagayu ngayuk fawayan kata sik ngay tagfangalbon at nanggamat anya fagayu. Ay namadasug kyangay ngay taglafat laman nanrvbvy anya fagayu sa sangay buksul, sasad araw ay sa sangay luib.

Eremyas 21:4

‘Katatuy Yawi, Israel at Dius, at longan: Wa ban e fanambagun ay ngay famawayan laman namawayan am fun Nabukudunusur ay sat ngay tagfawayan at maligung si ayu. Nu katanya, namaful au anya fagayu ste swabilug furuan.

Esekyel 16:37

Namaful kban kanya fagayu ay si ban at ngay salubangan gbul kban am ngay sulun laman kanya ban fagayu lumag nu malulasan o.

Esekyel 16:42

Nu katanya, kalyam waban nu kadotama au ay nu kasulup au emu. Ay kwa ban gdog ya kadotama emu.

Esekyel 23:46

“Au, Fun Dius Yawi at nasugu ngay taw sas duksay laman namawayan ay namalimu, ay nangago at ngay ramraman.

Esekyel 23:9

“Nu katanya, nafabayan kwan Asirya at ngay mangama nu gfakamulun sa anya kata at fakaylatun.

Esekyel 5:13

“Nu nfasludan waban takatanya, kwa ban kadotama ya ayu, nu katanya, nafasud kwan ay ngay nafakamulun mauri. Ay gina kban nafadasug sa ayu takatanya, sumaful ban am te, au Yawi tagfakamatoan ayu aroro maksvn nu kadotama au ayu.

Usea 10:9

Dius nalong te, “Am fag ngay taw Israel, gfataglayun wayam gugat gasalanan siginan ebi ay ngay mangaguyang nu gasalanan sis Gibya, ay wam gtubus ya. Nu katanya, am wan fag ngay tagfakamulun at mauri, e gfawayan ayu sis Gibya.

Usea 4:19

Nu katanya, sik tagridribudan ban fag tagmara namalayug anya fagayu, ay kanya ban fagayu umke fakaplaun aroro nafon ngay fanggalangun sa tibak fagsegan.”

Usea 4:9

Nu katanya, nu nafaurianan kway ku ngay taw, gfaurianan kyangay ban anggan ayu. Nu mauri way ay nafakamulun, mauri yangay ban takadasug sa ayu.

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Usea 8:10

Ay kanya ban fag ngay talun dewa nagbilug Israel, namaful kyay ban fia anya fagayu laman gfaurianan. Ay sik fun ban gadgaloan at ngay tagfangguna at namaidapan anya fagayu.

Mateu 22:7

Ay kafag fun maksvn nu kadotama ay nasugu at ngay tagfawayan laman namabul ngay taw takamabul ay nangirug at furuan.

Deuterunumyu 28:63

Kata Yawi nu guseganan gfaramraman ay gfayu ayu, kanya ban guseganan yangay nu grasras ay nu gfabul ayu, anggan am nalyam si ay fagnamanwanan ay ay fagnangagbilugun fag talun.