Usea 1:10 - Fanawbuid tagsibaliwas Fakayabian

¹⁰ Dewa katanya, kadasug ban tibak menit, gdog kyay ban kafanyu anya fagayu ay kanya ban fagayu umkayu kata lagnas sis tigyangan dagat at yud katap ya. Ay kadasug ban sik menit kanya fagayu kangayan te, ‘ku ngay sisian.’

Usea 1:10 ပူးပေါင်းရင်းမြစ်များ

Fakasigadan 13:16

Namayu kban am kasugfunanan kayu lukbu sis daga. Lukbu wa katap, ay anggan ban am kasugfunanan wa yangay katap ya.

Fakasigadan 22:17

namon kban sa emu nusnge wain aroro di o nesug gfon sa angku am baguama fia dewa sadi way. Gfon kban sa emu ngayuk kasugfunanan kayu galeme sis banwa ay kayu lagnas sis tigyangan dagat. Ay kanya ban fagayu nangagbilug ban at ngay fawayan at ngay furuan ayu daul.

Fakasigadan 32:12

Dewa katanya, nafatuyanan o sa angku te, gfae ramraman ban o angku laman gfayu ku ngay kasugfunanan kayu lagnas sis tigyangan dagat at yud katap ya.”

2 Samwel 7:24

Yawi, nafili o ngay taw Israel laman am ngay taw kabavn ban, ay o wan at Dius.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 48:19

Ay ay ngay kasugfunanan ro ngayu tua kayu lagnas, ay di ban gafaurianan.”

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Isayas 65:1

Yawi nalong te, “Nafatoglag au angku sa sangay taw at yud ginto ya sabaliwa angku. Ay kanya fagayu nalag angku dewa yud narvbvy. Ay dewa yud guro angku, nafatoglag ktua sa anya fagayu ku sadili.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 33:22

Namayu kban Dabid ay Lebi at ngay kasugfunanan kata ngay galeme sis banwa ay ngay lagnas sis tigyangan dagat.”

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Usea 2:23

Ay namabanwan kban ayu sa ay talun laman ku ngay taw am. Kesug kban ku ngay taw ku nafangayan ebi te, Lu-Rukama, ay lumong kban te, ‘Am wan ku ngay taw,’ ebi ku nafangayan te, ‘Lu-Ami.’ Ay ginanya ban, glong am te, au wan ay Dius.”

Uan 1:12

Ay dewa katanya, nusnga sinu at naylat ay at nafanud sa anya, kanya natuyan kafag ngay taw te, Dius at ngay sisian.

Ruma 8:19

Fagayu at awatan maksvn nu gfanya Dius nu gfasure at ngay sisian.

2 Kurintu. 6:18

“Ay au waban fia ay Mama, ay am waban fia ku ngay sisian. Au wan, ay Fun at mabalyanan, at nalong takatanya.”

Ebreu 11:12

Nu katanya, dewa Abrayam gakabulun wan, anke kasugfunanan yay ngayu, kayu ngay galeme sis banwa ay kayu lagnas sis tigyangan dagat.