Unas 4:11 - Fanawbuid tagsibaliwas Fakayabian

¹¹ Aksvn yap tua kanya nu gafangulanan au furuan daul Ninibe at taw. Kanya fagayu at kayuan ayu yap tua sadik sandan duak safuluk libu, ay kanya fagayu ya nasaful sabaliwa at masine ay at mauri. Ay sanya yangay ngayuk fagbaugun.”

Unas 4:11 ပူးပေါင်းရင်းမြစ်များ

Alubad. 104:14

Nafatugbung o ngay makmak laman ngay mangilafang at fakonun, ay nafatugbung yangay o ngay tanum laman sa sangay taw. Nu katanya, ngay taw at fakonun siginan yangay sdaga.

Alubad. 36:6

Yawi, am fagmatuyanun mogat tua kata ngay buksul. Ay nu ginsaful o, kata dagat nu ngabasad. Ay gdiri tuo ngay taw ay anggan ngay fagbaugun.

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 37:37

Nu katanya, Senakerib noli sas Ninibe ay nanamanwan sanya.

Unas 1:2

“Loi wan sas furuan daul Ninibe, ay namararang o sanya, aroro at ngay taw at fagmauriun andasug wan sa angku.”

Unas 3:10

Dius nalag kafag ngay taw Ninibe nu gubun at ngay ugali at mauri. Nu katanya, kanya nafabali tua at amatanganan, ay di nafaurianan anya fagayu kata ebi at longan.

Unas 4:10

Yawi nalong sas Unas te, “O nunda wo nfangulan kafag tanum nu gtugbung at kadugean sik yabi way ay balabag di fag yabi anlangke wan, ay kanya bunwa am natanum ay am nafatugbung?

Mateu 18:33

Anfanyu tuo nangus am usama fag fagsuguan kata nu nfanyu au emu.’

Deuterunumyu 1:39

Sanya ginan, Yawi nalong te, “Ay ngay sisian ban at yud yay e fagsafulun at madasug sanya fag daga, ay kalimu am te, kanya ban fagayu manatabanan, dewa katanya, gfon kban sa anya fagayu kanya fag daga, laman at fagagbilugun.