Unas 3:4 - Fanawbuid tagsibaliwas Fakayabian

⁴ Ay Unas nasakbo sas furuan Ninibe. Ay at nalao nu sik menit wan, kanya nauro sa sangay taw tagbanwan sanya te, “Ufat way langk safuluk menit ay furuan gafaurianan wan.”

Unas 3:4 ပူးပေါင်းရင်းမြစ်များ

2 Fun 20:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun ay umbul wo.’ ”

2 Fun 20:6

Ay namamut kyay am leleg labi lima yak banwa. Namalangfe au emu gasfuan am furuan siginans Asirya at fun, ay nanggubuk au tuy fag furuan, laman sa ku fagmasineun ay aroro sa ku fagsuguan Dabid.’ ”

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Unas 3:10

Dius nalag kafag ngay taw Ninibe nu gubun at ngay ugali at mauri. Nu katanya, kanya nafabali tua at amatanganan, ay di nafaurianan anya fagayu kata ebi at longan.

Mateu 12:41

Ay ebi fag ngay taw Ninibe gdog yangay ban gleleg gasfuan ayu gina ban fanginsafulan asalanan fag menit, ay glong ban te, mauri am. Aroro ngay taw Ninibe naubun tua at ngay asalanan gina nadungug Unas at foyungan. Ay amatangani, at kindasug katsi gtungud yays Unas, ay dewa katanya, wam gubun ay ngay asalanan.

Lukas 11:30

Ebi Unas at fakamulun sik ke fakatoglagan fag fakamulun sas taw Ninibe, kata yay angku, Taw at Baguama, ku fakamulun, sik ke fakatoglagan fag fakamulun sa ayu.

Lukas 11:32

“Ay ebi fag ngay taw Ninibe gdog yangay ban gleleg gasfuan ayu gina ban fanginsafulan asalanan fag menit, ay glong ban te, mauri am. Aroro ngay taw Ninibe naubun tua at ngay asalanan gina nadungug Unas at foyungan. Ay amatangani, at kindasug katsi gtungud yays Unas, ay dewa katanya, wam gubun ay ngay asalanan.

Deuterunumyu 18:22

Kanya fag taglong tagaringang siginans Yawi at ngayan, at ngay foyungan nu dway kafasludan, kanya wa siginans Yawi. At sadili way longan takatanya. Nu katanya, lag am kalimu anya.