Unas 2:9 - Fanawbuid tagsibaliwas Fakayabian

⁹ Dewa katanya, au ban nangalubad ktua sa emu sik mauseganan fag alubad. Ay namafasludan kban ku ngay fatuyanan te, namon au sa emu fanggalangun. Yawi, o wan ku tagfalangfe.”

Unas 2:9 ပူးပေါင်းရင်းမြစ်များ

Fakasigadan 35:3

Ay nu nafakamulun tua tam takatanya, glo watam sas Betel ay nangawat au sanya sik fagirugan laman nanseg tam Dius at nagubuk angku gina au sis fagidapun, ay at naufud angku nusnga nday nu glao au.”

2 Samwel 15:7

Nu nlangfe ufatk banwa, Absalum nalong sas fun te, “Aylati nu sa au stalun Kebrun laman namafasludan au ku fatuyanan sas Yawi.

Ub 22:27

Darangini sa anya ay kanya dumungug emu, ay fafasludani tua am ngay fatuyanan sa anya.

Alubad. 107:22

Kanya nangus fagayu gfon at ngay fanggalangun laman famauseganan Dius, ay galubad guseganan sabaliwa at ngay nafakamulun.

Alubad. 27:1

Yawi, o wan ku salung ay ku tagfalangfe. O wan ku taggubuk. Sinu ya ku fakalimuun? Nu katanya, kwe fakalimuun ya.

Alubad. 3:8

Yawi, o way lang at mafalangfe. Am ngay famonun nangus sumawa fia am ngay taw.

Alubad. 50:14

Ku fakaylatun ay fanggalangun sa angku ay fagusegananun tua, ay nu gfafasludan am ay ngay fatuyanan sa angku, Tiba Tungud fag Dius.

Alubad. 50:23

Ngay taw tagfauseganan angku, gsuyu tua angku. Nu glao tuam sa ku dalan, gfalangfe au ayu.”

Alubad. 68:20

Yawi tam Fun gfalangfe antam siginans fakabulun!

Alubad. 95:2

Anud, nangakbang watam sit daga salubangan laman guro gfauseganan.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.

Uan 4:22

Wam toglag ay fagsegan, dewa katanya, ami taw Udyu toglag tuami em fagsegan, aroro siginan sa ngay taw Udyu anke fakalangfeun.

Fakamulun 4:12

Ste sfagdaul daga we mafalangfe antam nu bunway Isus.”

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Deuterunumyu 23:18

Lag am gbuba sas Yawi at bale ay bulan fag salapi siginan takatanya fag balyawvtan laman ay fanggalangun sa anya, aroro takatanya fag fakamulun mauri way sa ay Dius Yawi.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

At Nafasure 7:10

Ay kanya fagayu gasfuan guro te, “Fakalangfean siginan tam Dius at malunggung sis fun at faglunggungan, ay siginans Tupa Riangan.”

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.