Unas 2:4 - Fanawbuid tagsibaliwas Fakayabian

⁴ Ay naiyan o angku siginan am daga salubangan, dewa katanya, e fagsegun kyay gdog nangakbang sa emu, sam bale yud e malong.

Unas 2:4 ပူးပေါင်းရင်းမြစ်များ

1 Fun 8:48

ay kanya fagayu nu kafoli sa emu nu fagdaul tua at amatanganan, dewa yay sit fagatabananan fag talun, ay nu gdarangin tua sa emu gsalubang ste fag talun am nafon sat ngay mangaguyang, ay ste fag furuan ay ste fag bale ku nafawat laman gfauseganan emu,

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

2 Krunika 6:38

dungugi tua ban at darangin. Ay kanya fagayu nu kafoli sa emu nu fagdaul tua at amatanganan, dewa yay sit fagatabananan fag talun, ay nu gdarangin tua sa emu gsalubang ste fag talun am nafon sat ngay mangaguyang, ay ste fag furuan ay ste fag bale ku nafawat laman gfauseganan emu,

Alubad. 31:22

Gina au e fakalimuun, gamatangan au te, “Nafabayan wo angku.” Dewa katanya, nadungug tuo ku fagetun, ay nagubuk tuo angku.

Alubad. 42:8

Yawi, kayu menit gfasure tuo sa angku te, mafangesug o, ay kayu yabi galubad ktua gugat am alubad ay kanya yangay ku darangin sa emu, aroro o tua tagagbilug ku leleg.

Alubad. 5:7

Dewa katanya, siginan am kamafangesugan, mananakbo ktua sam bale fakafulan laman kamababaun au nanseg emu.

Alubad. 88:6

Ay kata yangay nu nafatong o angku sa tangabasad ay at madulum fag lusung.

Alubad. 88:7

Maksvn nu kadotama o angku, kata sik mabyat fag famubaun, ay kata nu nlimus au sat maksvn fag lugwak.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 49:14

Ngay taw Erusalem nalong te, “Yawi nafabayan ay wa gamatang ya emi.”

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 7:15

Ay gaiyan kwan ayu siginan ku daga salubangan kata ku nafakamulun sa ay ngay kalongan fag ngay taw Israel.’

Takabalu 3:54

Arvs napnut kwan, ay nu glong kro kabul kwan.

Esekyel 37:11

Yawi gdog yay nalong sa angku te, “Taw at baguama, kanya fag ngay bini, ngay taw Israel, ay kanya fagayu glong te, ‘Em ngay bini an-gong wan, ay wami e fagsegun ya, ay ankamin ami.’

Daniel 6:10

Ay Daniel nu nasaful te, fun Daryu nawat wan kafag faugali, kanya noli sat bale ay nasakbo sa tiba tungud fag salug. Sanya at fagbanawanan gsalubang sas Erusalem. Ay Daniel natudan ay gdarangin sas Dius tulu ginan sik menit, kata at fakamulun gugat.

Unas 2:7

Yawi, gina au gakabulun, nauro au emu, ay nadungug tuo ku darangin sim bale at yud e malong.