Unas 1:9 - Fanawbuid tagsibaliwas Fakayabian

⁹ Ay Unas gbalus te, “Sik taw Ebreu au ay gseg au Yawi, Dius tagsis banwa at nawat dagat ay daga.”

Unas 1:9 ပူးပေါင်းရင်းမြစ်များ

Fakasigadan 1:10

Ay at matat fag afud nafangayan te, “Daga” ay at kinful fag lino nafangayan te, “Dagat.” Ay Dius nalag te, masine.

Fakasigadan 14:13

Ay e sik taw at nalagyu ay nanamoyung at ngay nalag sas Abram. Ginanya Abram gbanwan sis Mamre at fagagbilugun fag ngay fun kayu ayu daul, (Mamre sik taw Amur.) Ay Eskul ay Aner fag duksay Mamre at fagadgalangan, ay Abram at ngay ufud.

Fakasigadan 24:7

Yawi, Dius tagsis banwa, nafadasug angku stae siginan ku mama at kalongan, siginan ku fakasalugan fag talun, ay nafatuyanan te, ‘Gfon kban talun Kanaan sa am ngay kasugfunanan.’ Nu katanya, loi wan aroro Yawi sumugu at tagbarita at namangguna emu laman lumag o ku baguama at bubay ban.

Fakasigadan 39:14

kanya nauro tibak fagsuguan te, “Damai! Ku indugan nabuba stae sa antam sik taw Ebreu laman gfauri antam. O wam nasaful te, kanya fag baguama nasakbo sa ku fagtiugan laman namakamulun at mauri sa angku, dewa katanya, nauro au.

2 Fun 17:25

Ay siginan nu gfasigad gbanwan sanya, kanya fagayu wa gseg ya Yawi, nu katanya, Dius nafadasug sik ngay liun laman gfabul tibak taw tagbanwan sanya.

2 Fun 17:28

Nu katanya, sik tagfon fanggalangun at natabanan siginans Samarya anfoli sas Betel ay nafoyung sa sangay taw tagbanwan sanya, nu setain nu gseg Yawi.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Esra 5:11

Ay kanya fagayu nabalus emi te, “At ke fagsuguan emi, Dius tagagbilug banwa ay fagdaul daga. Nu katanya, gfadog ami kawat Yawi at bale, namafaning ebi Israel at fun at mabalyanan at nafawat.

Nemyas 1:4

Ay nu nadungug au takatanya, namalunggung au ay nawayway. Ngayuk menit nu kabalu au, ay nadarangin yud gfangon, sas Dius tagsis banwa at daga salubangan.

Nemyas 2:4

Ay fun nainto te, “Nataw am fakaylatun?” Ay nadarangin au sas Dius,

Nemyas 9:6

Yawi, o wan at nawat banwa, ngay galeme, daga ay dagat, ay fagayu tagbanwan sanya. Ay nafae leleg o fagayu am awatan tagleleg, ay am ngay tagbarita sis banwa gseg tua gugat emu.

Ub 1:9

Ay Satanas gbalus te, “Anud, Ub gfaning emu aroro nafon o sa anya nusnga setaw.

Alubad. 136:26

Nu katanya, fauseganani tagsis banwa fag Dius. Nu mafangesug di e fakatabuan.

Nu Galin 1:15

Ay sanya ginan, Igiptu at fun nalong sa sangay tagfasalug fag ngay Ebreu, Sifra ay Pua te,

Nu Galin 2:13

Ay balabag di, kanya anfoli ay nalag duak taw Ebreu nu gawayan. Kanya nainto sat ke asalanan te, “Wain ro am fagfalangun am kaiban Ebreu?”

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Fakamulun 27:23

Aroro aro sad yabi Dius at tagbarita at sadi malindug si ku day tigyangan. Dius, ku fagsegan ay ku fagfaningan at nafadasug ste,

Filipus 3:5

Aroro anke fakatoglagan au sis fawaluk menit, ay sik taw Israel au, siginans Benamin at kasugfunanan, ku ngay mangaguyang taw Ebreu, ay nu sabaliwa em faugali tam fagkamatoanun, sik taw Fariseu au at maksvn nu gfaning.

At Nafasure 11:13

Ay ginanya yay anke uig maksvn. Ay at fasafuluk afud kafag furuan ankiklas wan, ay fituk libuk taw at kinbul. Ay tagleleg yay fag ngay taw anlimu maksvn ay nafauseganan tagsis banwa fag Dius.

At Nafasure 15:4

Sinu ban at yud kalimu ay gfauseganan emu, em Fun? Aroro o way lang at yud e malong. Fagayu talun at taw nangakbang ban sa emu gseg, aroro fagayu taw nalag wan am ngay nafakamulun at maksvn nu matuyan.”

At Nafasure 16:11

Kanya fagayu abat ngate gubun at fagmauriun, nafauri way Dius sis banwa aroro sat fagagwantanun fag ngay fakasaitun ay fag ngay bangbang.