Unas 1:5 - Fanawbuid tagsibaliwas Fakayabian

⁵ Nu katanya, ngay tagfakamulun sis sakayan lino maksvn nu kalimu ay get gubuk sat mesa fagsegan, ay naukas at ngay famubaun sas dagat laman at sakayan lino kagan. Ay Unas gtiug way fia sit daga fag salug.

Unas 1:5 ပူးပေါင်းရင်းမြစ်များ

1 Fun 18:26

Ay Baal at ngay taglong nabul at sadi fag baka tama ay nafalganan. Sanya ginan, gdarangin sas Baal siginans balabag anggan sitsigons wabilug menit. Guro te, “Baal, balusi emi!” Kanya fagayu gfalelegan at ngay afud bilug sit day fagirugan, dewa katanya, Baal wa gbalus.

Ub 2:4

Satanas nabalus te, “Sik taw guseganan tua dewa namin wan fagayu at fagagbilugun, nu ddi ro kanya anbul.

Alubad. 107:25

Dius nu nasugu, gfulug ay glugwak maksvn.

Alubad. 148:8

Segi Yawi, am fag ngay limbad, ay linyabu, ay fag arak at maksvn nu marios, ay fag arak yelu takadaul ngay gang ayu sirut, ay at maksvn fag tagmara tagfaning at ngay suguan.

Takamoyung 3:6

E buknga grvbvy ay e buknga gfalyam, ay e buknga gsuksuk ay e buknga gukas.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Unas 1:14

At ngay tagfakamulun guro sas Yawi te, “Gfainfanyuan ami get sa emu te, lag o gfabayan emi nu kabul ami aroro sa em fagnamakamulunun ste fag taw. Lag ro gfauri emi nu namabul ami anya, aroro yami fia gtuyan te, e asalanan. Dewa katanya, nasaful ami te, at kindasug sa emi am fakaylatun wan.”

Unas 1:16

Aroro sat kindasug, ngay tagfakamulun maksvn nu kalimu Yawi. Nu katanya, kanya fagayu nafon sik fanggalangun sas Yawi, ay nafatuyanan te, gfataglayun ban nu gfaning ay nu gseg anya.

Unas 1:6

Ay sakayan lino at funan nanangakbang sas Unas, ay glong anya te, “Wain am fagtiugun fia gina katatuy at buknga? Alunggungi wan ay eti gubuk sam fagsegan. Bangaran ro kanya anfanyu ay gfalangfe antam siginans fakabulun.”

Mateu 25:5

Ay takadadwa fag mangama glugo nu kadasug, ay kafag safuluk baguina natiugun ay dayun wan natiug.

Mateu 26:43

Ay Isus gdog yay anfoli ay manlag di at ngay tagadal gtiug yay gugat, aroro maksvn nu gatiugun.

Mateu 26:45

Ay Isus gdog yay anfoli sat ngay tagadal, ay nalong sa anya fagayu te, “O gtiug yayam gugat ay gfiangalay? Katsi wan, damai, e namoyung wa angku, Taw at Baguama, sa sangay taw tagasalanan.

Fakamulun 27:38

Ay fagayu taw nu napsug wan, kanya fagayu naukas wan sas dagat at ngay ba trigu laman ro at sakayan lino kagan.

Tagfangguna 16:19

Ay Delila nafatiug Samsun sit tungud balangbang. Ay gina gtiug, Delila nauro sik taw laman gufo Samsun at buk at mafasawaluan fag fitu. Ay kafag taw naufo Samsun at buk. Ay nu katanya Delila nafamomuy anya. Ay Samsun at fagmabitsugun nalyam wan.

1 Samwel 24:3

Saul ay at ngay tagfawayan andasug sa sik fagubungan tupa sis tigyangan dalan ay sanya e sik luib. Ay Saul nasakbo sanya laman nangkek. Ay Dabid ay at ngay tagfawayan mangaro ngaduge wan nu masakboan sanya.