Unas 1:4 - Fanawbuid tagsibaliwas Fakayabian

⁴ Ay kanya fag sakayan lino nu siwa sad fagngabasadan dagat, Yawi nafadasug sik maksvn fag tagmara, ay at kaksvnan nu gfulug kafag sakayan lino gakarasrasun wan.

Unas 1:4 ပူးပေါင်းရင်းမြစ်များ

Alubad. 135:6

Yawi mafakamulun nusnga setaw at fakaylatun sas banwa, sas daga, ay anggan sas fagngabasadan dagat.

Alubad. 135:7

Kanya mafae linyabu siginan sik fungfung daga ay mafadasug yangay sa sik fungfung daga. Kanya gfalimbad ay gfarak ay gfatagmara siginan at mesa fagduksunan.

Alubad. 148:8

Segi Yawi, am fag ngay limbad, ay linyabu, ay fag arak at maksvn nu marios, ay fag arak yelu takadaul ngay gang ayu sirut, ay at maksvn fag tagmara tagfaning at ngay suguan.

Nu Galin 10:13

Nu katanya, Muisis nafabat at tulag sabaliwas talun Igiptu. Sanya ginan, Yawi nafadasug tagmara siginans fakamenitan fagngabak menit ay fagngabak yabi. Balabag di, sik ngay liung galo tagmara.

Nu Galin 10:19

Ay Yawi nabalus, ay nafauyup tagmara sas fakayabian baliwa, ay nafalayug kafag ngay liung sas Dagat Maraska. Ay nusdi sadik liung wa nke sawad sis talun Igiptu.

Nu Galin 14:21

Sanya ginan, Muisis nafatiuan at take sas tungud dagat ay Yawi nafadasug sik maksvn fag tagmara siginans fakamenitan, ay dagat ankafud. Ay fagngabak yabi, gtagmara wa gugat, ay dagat ankafud ay anke matat fag daga.

Nu Galin 15:10

Dewa katanya, siginan yay lang am uyup, kanya fagayu anlubgub sas dagat, ay anfalyu sas fagngabasadan kata sik sanbung.

Eremyas 51:16

Siginan at aringang banwa gfangalung, ay gfae linyabu siginan sangay fungfung daga. Ay gfae limbad gina karak, ay gfadasug tagmara siginan at fagfungsuan.

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Tap 11:31

Ay Yawi nafadasug tagmara siginans dagat gbuba ngay fugu. Ay kanya fag ngay fugu glayugan sis day fagmafulan, tuluk darafa gsugfunan at kadamvlan siginans tungud lutuk, ay kafag ngay fugu at kayuan siginans fagmafulan kayayu sik taw nu glao sik menit.