Unas 1:3 - Fanawbuid tagsibaliwas Fakayabian

³ Dewa katanya, kanya nananuksuan Yawi, at algan sas talun Tarsis. Kanya ndasug sas furuan Upa ay nalag sik sakayan lino tagsas Tarsis. Unas nafon at famayad ay nasakay magamut ngay tagfakamulun sis sakayan lino ay tiba yak tagsakay.

Unas 1:3 ပူးပေါင်းရင်းမြစ်များ

Fakasigadan 3:8

Ay nu gakayabiun wan, dadwa nadungug Yawi nu glao sis wa tanuman Eden. Ay dadwa nasuksuan sa sangay fun kayu.

Fakasigadan 4:16

Sanya ginan, Kain anyayu Yawi ay nanamanwan sas talun Nud, tagsibaliwas Eden sfakamenitan.

1 Fun 19:3

Elyas anlimu, ay nalagyu sas Beerseba, sis talun Uda, ay naubun sanya at fagsuguan.

1 Fun 19:9

Ay nu katanya wan, kanya nasakbo sa sik luib ay sanya wan nu gtiug ginanya fag yabi. Yawi nalong anya te, “Elyas, wain am fagstaeun?”

2 Krunika 2:15

Mesug fag fun Sulumun, foni sa emi am nafatuyanan fag trigu, barli, fanlangu, ay langis ulibu,

2 Krunika 2:16

ay namuan ami am fagetun fag ngay kayu sas Lebanun. Ay namataladan ami kafag ngay kayu, ay namalimusan sabaliwas Upa. Ay nu ndasug ban sas Upa namuba ban am sas Erusalem.”

2 Krunika 9:21

Ay fun Sulumun e ngay sakayan lino yangay tagbuba at ngay famaloun, ay tagfakamulun sanya Kiram at ngay fagsuguan. Ay kafag ngay sakayan lino nu kafoli sadi ginan way galay tuluk banwa, ay e buba: gintu, salapi, elipanti at bagang, ay ngay amayan talay ay tagbia.

Esra 3:7

Ngay taw Israel nafon salapi at famayad sa sangay tagfasine gang ay sa sangay takawat bale. Ay nafon yangay ngay fakonun, fanginum, ay bantika laman at fon sa sangay taw Sidun ay sa sangay taw Tiru, laman at famayad ngay kayu sidru tagsiginans Lebanun. Ay nafasakay kafag ngay kayu sa sangay sakayan lino ay nafadasug sas Upa. Ay Sirus, Persya at fun, naylat.

Ub 1:12

Yawi nalong sas Satanas te, “Agvd, fakamuluni takatanya sa anya, dewa katanya, lag o gfabul.” Ay Satanas nalao wan siginans Yawi at daga salubangan.

Ub 2:7

Ay Satanas nalo wan siginans Yawi at daga salubangan ay nafaidapan Ub siginan sik ngay famaktvk, siginan at darafa sitsigon at alfuyu.

Alubad. 107:23

Tibak taw si gugats sakayan lino, ay gfoyfolian gugat sas fagngabasadan dagat; kanya fagayu gfakamulun sis dagat laman e famul at ngay fagayudanun.

Isayas 2:16

Kanya ban gfalubgub wan fagayu sakayan lino tagbia ay at masine.

Isayas 23:1

Katatuy at foyungan sabaliwas Tiru: Waywayi wan fagayu am tagsakay sis Tarsis at ngay tagbia fag sakayan lino, aroro anrasras wan at fakatungkudan sis Tiru. Katanya ngay taw Sipre at foyungan ayu.

Isayas 23:10

Am fag ngay taw Tarsis, tanumi sa ay daga sis tigyangan Liskung Nilu, aroro sis Tiru, we fakatungkudan ya sakayan lino.

Isayas 23:6

Waywayi wan, fagayu am tagbanwan sa sangaba tigyangan dagat. Difei wan sas Tarsis.

Eremyas 10:9

Kanya fagayu nafawat at ngay fagsegan sa tagsaful kawat, ay nadafut salapi tagsiginans Tarsis, ay gintu tagsiginans Ufas. Ay kanya fagayu nafasulun sik lanbung melo ay maubian ngay tagsaful kawat lanbung at nawat.

Esekyel 2:8

“Dewa katanya, taw at baguama, dungugani fia ku longan emu. Lag o kamabo kata kanya fag ngay taw. Fabiai am bibig ay oni ku fagnamonun emu.”

Esekyel 27:12

“ ‘Ngay taw Tarsis nanamabangsi sa emu at ngay famaloun aroro maramraman o. Ay kanya fag ngay taw at famayad sa emu salapi, sanbung, sik gaban gang taganyang ay tingga.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Unas 1:10

Nu katanya, ngay tagfakamulun maksvn nu kalimu, aroro siginan Unas at nalong te, nasuksuan au Yawi. Ay kanya fagayu nalong te, “Wain am fagnafakamulunun takatanya?”

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Lukas 9:62

Ay Isus glong anya te, “Sik taw gina garadu nu nadama way sat guyan, wa ban katap sas Dius at fagfagtainanan.”

Fakamulun 15:38

Ay Pablu wa kaylat ya gtaban Markus aroro ebi kanya naubun duama gina sis talun Panfilia, ay wa nafataglayun at fakamulun.

Fakamulun 26:19

“Aroro katanya, fun Agripa, kdi nafamabo ku nalag fag taginfan siginans banwa.

Fakamulun 9:36

Ay sis furuan Upa, e sik mangena gafanud yangay, at ngayan Tabita. (Sas Griegu, at ngayan Durkas, at masuad te, Bian.) Kabavn kanya mafanggubuk, kaugat wan sat yud e kwa.

Fakamulun 9:38

Furuan Lida munakbang sis furuan Upa, ay tibak tagafanud nu nadungug te, Pedru sis furuan Lida, kanya fagayu nasugu duak mangama laman nantaban. Ay duama nu ndasug sas Lida, nalong sas Pedru te, “Wainyayo, aloi emi.”

Fakamulun 9:42

Ay fagayu taw sis furuan Upa nadungug at kinfasludan ay ngayu at nafanud sa tam Fun.

Fakamulun 9:43

Ay Pedru gbanwan yay sis Upa ngayuk menit sis Simun at bale. Simun sik tagfagong fagbaugun at balat.

1 Kurintu 9:16

Dewa katanya, kdi kamatungudun nu gfoyung au at Masine fag Barita aroro Dius nasugu angku. Ay afanyuan kban kway nafoyung at Masine fag Barita.

2 Tesalunika 1:9

Kanya ban fagayu gafaurianan kabavn, ay umsaman ban sa tam Fun ay sat fagmasineun at mabalyanan.

Uswe 19:46

Me-Arkun ay Rakun, anggan yangay tagsalubang sas furuan Upa fag talun.