Unas 1:12 - Fanawbuid tagsibaliwas Fakayabian

¹² Ay Unas gbalus te, “Ukasi angku sas dagat, ay wa ro glugwak ya. Aroro nasaful kwa te, au wan at ke malong at fagindasugun tuy fag fulug at maksvn.”

Unas 1:12 ပူးပေါင်းရင်းမြစ်များ

2 Samwel 24:17

Ay Dabid nu nalag kafag tagbarita, kanya nalong sas Yawi te, “Au way lang at ke asalanan. Ay tuy fag ngay taw wa kataip, kata way sik ngay tupa at yud e asalanan. Ami yakman lang fag talanan am fagfauriananun.”

1 Krunika 21:17

Ay Dabid nalong sas Dius te, “Au wan at nasugu te, tapi ngay mangama at makatu gfawayan. Au way lang at ke asalanan, ay tuy fag ngay taw wa kataip, kata way sik ngay tupa at yud e asalanan. Yawi ku Dius, ami yakman lang fag talanan am fagfauriananun. Lag o gfaidapan am ngay taw siginan takatanya fag fagidapun.”

Ub 35:8

Dewa o gfakamulun at masine ay at mauri, sa way lang sa ngay taw am fagfalagan takatanya.

Takamoyung 9:18

Fagsafulun nu mafanud, gtungud tua fagagbilugun fag ngay famawayan. Dewa katanya, sik tagasalanan grasras way nusnge wain at masine.

Unas 1:11

Kadugenya, kaugat way nu gfulug, ay kafag ngay tagfakamulun sis sakayan lino gdog yay gfakamatoan Unas te, “Tain ro em fakamulun sa emu laman ro lugwak umragang ay umlangfe tuami siginans faurianan?”

Unas 1:13

Ay kanya fagayu wa nafaning Unas at longan, abat ngate, gugatan yay namasas tigyangan dagat at sakayan lino, dewa katanya, gidapan way aroro kaugat way nu gfulug.

Uan 11:50

O wam gamatangan ya te, amasine yap sik taw lang takabul laman sas fagdaul talun at taw, nu ddi ngap ban fagayu taw kamin?”

Fakamulun 27:24

glong angku te, ‘Pablu, lag kalimu. Aroro matuyan wan manalubang ban o talun Ruma at fun, aroro siginan emu, Dius gfalangfe ban fagayu am ufud sis sakayan.’

Uswe 7:12

Katanya wan at fagnababawanun. Kanya fagayu anlimu ay nalagyu laman umkamin yangay ay sik fanggalangun sa angku. Kwa ban galo ya ayu nu dway am grasras fagayu nusnge wain at mafalganan laman sik fanggalangun sa angku.