Uel 3:4 - Fanawbuid tagsibaliwas Fakayabian

⁴ “Fagayu am tagsis Tiru ay Sidun, ay anggan am fag ngay furuan sis talun Filistia, wain ay fagnafakamulunun takatanya sa angku? O gfasud am ku nafakamulun sa ayu? Nu katanya, namasud kyangay tagalvngvdan ay nafakamulun.

Uel 3:4 ပူးပေါင်းရင်းမြစ်များ

2 Krunika 21:16

Sanya ginan, Yawi naylat ngay taw Filistia ay ngay taw Arabya tagbanwan munakbang sis Etiupya laman kauri maksvn Euram.

Isayas 14:29

“Ngay taw Filistia, lag am guseganan te, anbul wan ebi fag fun at nafawayan ayu, aroro at fantubus anya amafangadotama yap tua at mama, kata sik dot nu nbul, at riangan amaganga yap tua, ay amatarung yap.

Isayas 34:8

Aroro Yawi e nafalganan tua sik menit laman namasud at ngay fawayan laman ggubuk ngay taw Siun.

Isayas 59:18

Kanya namasud at ngay tagfawayan kata at nafakamulun, anggan sa tangayayu fag ngay furuan. Ay kanya ban fagayu lumag wan at dotama.

Eremyas 47:1

Katatuy Yawi at longan sas Eremyas fag taglong sabaliwa ngay taw Filistia ebi gina Igiptu at fun yud batang namawayan furuan Gasa:

Eremyas 47:4

Aroro kadasug ban sik menit laman namamin fagayu taw Filistia anggan at fagudgubukan fag ngay taw Tiru ay Sidun. Yawi ban namamin wan ngay taw Filistia tagbanwan sis Kaftur.

Eremyas 51:6

Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

Uel 2:10

Gina kafag ngay liung andasug, daga ay banwa nauigan. Menit ay magdanun andulum, ay ngay galeme wa gdamlag ya.

Uel 2:2

Ginanya ban fag menit, glinyabu ay madulum. Ngay liung ban kadasug ay nangarapyag sa sangay buksul gina gakamenitun. Ya batang e nfasludan takaksvn nya ay wa ban umfasludan ya takatanya kabavn.

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Mateu 11:22

Ay glong kyangay ayu te, gina ban fanginsafulan asalanan fag menit, gafaurianan am gtungud yay furuan Tiru ay Sidun.

Lukas 10:13

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Lukas 10:14

Gina ban fanginsafulan asalanan fag menit, gafaurianan am gtungud yay furuan Tiru ay Sidun.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Fakamulun 9:4

Nu katanya, Saulu anlub sas daga ay nadungug sik aringang te, “Saulu, Saulu, wain am fagfauriun angku?”

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

2 Tesalunika 1:6

Dius at fakamulun matuyan. Kanya ban namaidapan at nafaidapan ayu.

Tagfangguna 11:12

Ay Efta nasugu ngay tagfosuk longan laman nanlong sas Amun at fun te, “Wain ay fagnamawayanun ngay taw Israel?”