Uel 3:2 - Fanawbuid tagsibaliwas Fakayabian

² namaful kban ay nantaban tibak talun at ngay taw sas datag Eusafat. Ay namaurianan kban anya fagayu, aroro sat nafakamulun mauri sa ku ngay taw Israel. Kafag ngay taw nataban ku ngay taw sa tibak talun ay nafudan at daga.

Uel 3:2 ပူးပေါင်းရင်းမြစ်များ

2 Krunika 20:26

Ay sis faufatk menit kanya fagayu anful sis datag Beraka, laman gseg Yawi. Kanya wan at fagnafangayanun kafag datag te, Beraka.

Isayas 66:16

Yawi ban gagbilug afuy ay fiso tagsumbalian at uyup, laman namaurianan at ke asalanan fag ngay taw, ay ngayu ban at fagnamabulun.

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 25:31

Umdungug at uro sas fagdaul daga, aroro kanya namaurianan ngay talun aroro sat ngay fagmauriun ay namaurianan anya fagayu yakmay kanya fagayu anbul.’ Au, Yawi, taglong tuy.”

Eremyas 49:1

Katatuy Yawi at longan sabaliwa ngay taw Amun: “Am tagseg Mulek fag fagsegan, wain ay fagnamanwanun sas Gad fag ngay furuan? O nunda Israel we kasugfunanan ya at nangagbilug kanya fag daga?

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Esekyel 25:8

Fun Dius Yawi glong te, “Muab, at ngayan yangay te, Seir, nalong te, ‘Uda ankata way lang tibak talun.’

Esekyel 34:6

Ay ku ngay tupa nalyam sa sangay fungsu ay sa sangay buksul tangabat. Ay narapyagan sas fagdaul daga ay we nanrvbvy ya.’

Esekyel 35:10

“ ‘Nalong am te, nangagbilug am Uda ay Israel, au, Yawi dewa au gufud kafag ngay taw.

Esekyel 36:1

Yawi nalong te, “Taw at baguama, nanlong o sa sangay buksul tagsis talun Israel te, ‘Am tagsis Israel fag ngay buksul, dungugani Yawi at longan.

Esekyel 36:5

Au, Fun Dius Yawi, glong au te, maksvn nu kadotama au ngay talun, kaugat wan talun Edum! Kafag ngay taw maksvn nu guseganan gina nagbilug ay nafalingun ku talun, aroro kanya fagayu maksvn nu gaagbilugun sanya fag ngay fagfafangonan.’

Esekyel 38:22

Namaurianan kban emu gasfuan am ngay tagfawayan anggan am fadgaloan fag ngay tagfawayan tagsiginan tibak talun. Ku faurianan ban sa ayu gfadfabulan am. Ay namatong kban sa ayu at marios ayu daul fag arak takata gang ay sik afuy daul tagigang.

Esekyel 39:11

“ ‘Ay ginanya yangay ban, namoli au Gug gasfuan at ngay tagfawayan sas talun Israel si sik datag sa sangay taw at fagloan tagsibaliwas Dagat Mabulan at fakamenitan. Kanya ban fag fagfolian gbia, ay ngay taw ban wa manandalan ya sanya. Ay gfangayan ban kafag datag te, Gug at ngay tagfawayan.

Uel 3:12

Yawi nalong yay fia te, “Fasafuli sa sangay taw tagsiginan tangayayu fag ngay talun te, loi sas datag Eusafat ay sanya nu namaurianan au anya fagayu.

Uel 3:14

Ngayu wan at ngay taw sis Fagfawabiluganan fag Datag, aroro munakbang wan Yawi at nafili fag menit nu namaurianan ngay taw.

Amus 1:11

Katatuy Yawi at longan sabaliwas Edum: “Ngay taw Edum gfataglayun way gugat nu gasalanan, nu katanya, namaurianan kban anya fagayu. Kanya fagayu kadotama way gugat at ngay kalongan fag ngay taw Israel, ay gfafalo laman namabul yud e afanyu.

Mikas 4:12

Dewa katanya, kafag ngay talun at ngay taw wa saful ku amatanganan ay ku algan ku fagnafafulun anya fagayu laman namaurianan. Kanya fagayu kata sik ngay gutluan at fagnanruyusun.

Sefanias 3:8

Nu katanya, am fag ngay taw Erusalem, fanyai at buknga nu namauri au ngay talun. Aroro anke algan au namaful ngay talun ay ngay fagfagtainanan laman namadasug sa anya fagayu ku fandotaman at maksvn takata sik afuy nu girug fagdaul daga.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”

At Nafasure 16:14

Kanya fag tuluk falad gfakamulun at ngay madulo, ay glao sa sangay funan sas fagdaul daga, ay namaful ay namafalganan laman namawayan Dius at mabalyanan sas fagayu, gina ban andasug Dius at nafalganan fag menit.

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”

At Nafasure 20:8

ay gduksun laman nandaya fagayu talun at ngay taw sas ufatk fugungan daga, at masuad Gug ay Magug, ay kanya namaful kafag ngay taw laman namalganan namawayan. Kafag ngay taw kayu slagnas sis tigyangan dagat.