Uel 2:3 - Fanawbuid tagsibaliwas Fakayabian

³ Ngay liung masakit nu gfamin ngay tanum kata afuy nu girug. Gina kafag ngay liung kadasug, kafag talun masine oma kata tanuman Eden. Dewa katanya, ngay liung nu naon wan we fasawadan ya, ay ankata way lang at yud e taw fag talun.

Uel 2:3 ပူးပေါင်းရင်းမြစ်များ

Fakasigadan 13:10

Ay Lut nabanawan ay nalag te, sis datag Urdan sitsigons talun Suar ngayu at liskung, ay ngayu fag tanum kata tanuman Eden, ay kata Igiptu fag talun. (Ginanya Yawi ya nafaurianan Suduma ay Gumura.)

Fakasigadan 2:8

Sanya ginan, Yawi nawat sik tanuman sis Eden, si baliwas fakamenitan, ay sanya nu gfabanwan at nawat fag taw.

Alubad. 50:3

Dius kadasug aroro e fagnanlongun. Gina kadasug, sit fagunan sik afuy at mairug nusnge wain, ay sit ligung maksvn nu gfulug.

Alubad. 97:3

Siginan anya, afuy gduksun, laman girug at ngay fawayan nusnga nday.

Nu Galin 10:15

Ay kafag ngay liung ankapnu sas fagdaul talun Igiptu ay at kayuan malayung way lang fagdaul lutuk. Ay naon at ngay fananumun at kinsawad sis arak yelu, ay naon yangay anggan ngay fun kayu at rawvg. Ay we sawad ya fagayu fananumun sis talun Igiptu.

Nu Galin 10:5

Kafag ngay liung ban at kayuan, wa kalag ya lutuk. Ay nangon ban ay ngay fananumun ay ngay fun kayu at kinsawad, yelu fag arak at yud nadalan.

Isayas 14:17

O nunda siring bunwa in at nafarasras ngay furuan, ay at nafakata talun at yud e taw fagdaul daga, ay at yud nafalfas at nataban fag ngay taw?’

Isayas 15:6

Fagayu liskung sis Nimrim anlanggang wan. Ay fagayu at makmak anlangke wan, ay we gtugbung ya.

Isayas 33:4

Ay namamin ban o fagayu at ngay ramraman, ay umkata sik ngay tanuman gina ngay liung nafamin.

Isayas 51:3

Nangafanyu au Erusalem at kinrasras wan. Ay tagsanya fag talun at yud e gtugbung namakata au ku tanuman Eden. Ginanya ban sis furuan Erusalem maksvn nu gfanagsag, ay sanya ban e guseganan ay galubad.

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Isayas 9:19

Ay aroro Yawi at Mabalyanan maksvn nu kadotama anya fagayu, anggan at daga umkirug wan, ay kafag ngay taw umkata famaygang takayungu. Ay kanya ban fagayu wa kadkafanyuan ya.

Eremyas 5:17

Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Esekyel 36:35

ay glong ban te, “At yud e tungkul fag daga, katsi kata wa tanuman Eden. Ebi fag ngay furuan at kinrasras ay at mabaluanan, katsi e gbanwan tua ay e ngay alad.”

Amus 7:4

Fun Dius Yawi e nafalag yay fia sa angku: nalag au kanya nu gfalganan laman namaurianan ngay taw Israel siginan sik afuy, laman ban kafag afuy namalanggang ngay bulbug ay nangirug nusnga setaw sis talun Israel.

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Sakaryas 7:14

Kata au sik maksvn fag tagmara namarapyagan au anya fagayu sas nusnga nday fag talun. Kanya fagayu naubun at ngay talun at masine nu katanya, we masuad ya ay we manamanwan ya.”