Uel 1:9 - Fanawbuid tagsibaliwas Fakayabian

⁹ Aroro wat ubas we rawvg ya ay we mamam ya fanlangu laman at fanggalangun sas Yawi at bale. Nu katanya, ngay tagfon fanggalangun tagfakamulun sa anya maksvn nu kabalu.

Uel 1:9 ပူးပေါင်းရင်းမြစ်များ

Uel 2:17

Am fag ngay tagfon fanggalangun tagfakamulun sis Yawi at daga salubangan, waywayi sis buknga fagirugan ay Yawi at bale at tangbi ay darangini te, “Yawi, afanyui am fagagbilugun fag ngay taw. Lag kaylat kanya fagayu nu gafaplan ay nu gagbilugan tibak talun at ngay taw taglong te, ‘Dada wan ay Dius?’ ”

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Usea 9:4

Kanya ban wa kaylat ya nu gfon am ay fanginum fag ngay fanggalangun sas Yawi. Dewa ban am gfon gugat takatanya, wa guseganan. Ay nusnga sinu ban takon at nafon fag fanggalangun glong te, masuya way, aroro kata fakonun si sik bale ke mabulan. Ay ngay fakonun sa way lang ay sadili, bunwa sas Yawi at bale.

Isayas 61:6

Gfangayan ban ayu te, Yawi at ngay tagfon fanggalangun ay tam Dius at ngay fagsuguan. Gagbilug ban am tibak talun at ramraman, ay guseganan ban am.

Uel 1:16

Nalag watam nu setain tam fakonun nu kamin ay nu yud e fagmanabayanun ya sas Dius at bale.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

2 Krunika 13:10

“Dewa katanya, emi em Dius Yawi tua, ay wami kamabo anya. Em ngay tagfon fanggalangun tagfakamulun sas Yawi, Arun tua at kasugfunanan, ay ngay taw Lebi ggubuk anya fagayu.

Nu Galin 28:1

“Namasaman o siginan sangay taw Israel, Arun ay at ngay baguama: Nadab, Abyu, Elyasar, ay Itamar, laman ban sik ngay tagfon fanggalangun.