Udas 1:7 - Fanawbuid tagsibaliwas Fakayabian

⁷ Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.

Udas 1:7 ပူးပေါင်းရင်းမြစ်များ

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.

Fakasigadan 18:20

Ay Yawi nalong sas Abrayam te, “Ngayuk taw tagfatuyan te, furuan Suduma ay Gumura mauri. Aroro maksvn wan kanya fag duak furuan at asalanan.

Lukas 17:29

Ay Lut nu nalao siginans Suduma, arak afuy ay asupri andasug siginans banwa kata nu karak, ay nafabul tagbanwan sanya fag ngay taw.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Eremyas 50:40

Nu setain Dius nu grasras Suduma ay Gumura ay tagsit ligung fag ngay furuan, katanya yangay ban takafasludan sas talun Babilunya. Ay wa ban e gbanwan ya sanya. Au, Yawi, taglong tuy.

Fakasigadan 13:13

Ay tagsis Suduma fag ngay taw maksvn nu gasalanan sas Yawi.

1 Kurintu 6:9

O nunda yam nasaful te, ngay taw tagfakamulun at mauri wa ban umful sas Dius at fagfagtainanan? Lag am gdaya ay sadili. Aroro, ngay taw tagfanugtug tibama at mangena ay sat yud e mangama, ay tagseg at yud matuyan fag ngay fagsegan, ay tagfanugtug sat usama,

Isayas 1:9

Yawi at Mabalyanan ro way nafasawad ya antam, ankata wa ro tam Suduma ay Gumura.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Fakasigadan 19:5

Ay kanya fag ngay taw guro Lut ay ginto te, “Dada wan am betaw fagdua at kindasug stae? Faduksuni, kaylat ami nanugtug anya.”

2 Pedru 3:7

Ay siginan yangay at longan, Dius namamin ban katsi fag banwa ay fag daga sasad afuy, gina ban andasug fanginsafulan asalanan fag menit ay nu gfaurianan tagfakamulun at mauri.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Isayas 13:19

Talun Babilunya amasine yap tua tibak fagfagtainanan. Siginan takatanya, at ngay taw kamatungudun. Dewa katanya, rumasras kban kata Suduma ay Gumura.

Mateu 11:24

Ay furuan Kapernaum, glong au ayu te, gina ban fanginsafulan asalanan fag menit, gafaurianan am gtungud yay furuan Suduma.”

Eremyas 20:16

Kanya nangus fag taw umfaurianan kata Yawi at fagyudun anfanyu giklas fag ngay furuan. Buktung menit nangus kanya fag taw at dungganan taguro way lang gfandeng sis fagawayanan.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

1 Fun 22:46

Kanya naiyan siginans talun at sawad fag ngay mangama tagfaebayad at sadili sa sangay bale fagnansegan, at mama Asa at yud naiyan.

Mateu 10:15

Ay matuyan nu glong au ayu te, gina ban fanginsafulan asalanan fag menit, kafag ngay furuan gafaurianan gtungud yay furuan Suduma ay Gumura.

2 Tesalunika 1:7

Ay kanya ban gfon sa ayu ay sa emi fagmanabayanun, gina ban tam Fun Isus anfoli siginans banwa si tagigang fag afuy, gasfuan at mabalyanan fag ngay tagbarita.

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

2 Pedru 2:2

Ay ngayu ban tagfaning kanya fagayu at ngay ugali, ay siginan ban takatanya tibak taw namalingun tam fagfaningun fag foyungan at matuyan.