Udas 1:3 - Fanawbuid tagsibaliwas Fakayabian

³ Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.

Udas 1:3 ပူးပေါင်းရင်းမြစ်များ

Nemyas 13:25

Nu katanya, nasalag au nafauri ngay taw Uda. Ay tiba si anya nafalang au ay naguyud at ngay buk. Ay nafafatuyanan au anya fagayu sas Dius at ngayan, ay anggan sat ngay sisian te, “Lag ban am kamubay ya ay gfangindugan siginan tibak talun.”

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 45:22

Fagayu am sas fagdaul daga, akbangi sa angku laman umlangfe am. Aroro au wan Dius ay we tiba ya.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Fakamulun 17:3

Pablu gfayamag ay gfatuyan sa anya fagayu te, masine Dius at nafili fag Fun nu nanginkidapan ay nu nangabul ay anggan nu gdog gleleg. Ay Pablu nalong te, “Ku foyungan fag Isus, kanya wan Dius at nafili fag Fun”

Fakamulun 18:28

Ngay taw Udyu wa mafabalus ya Apulus at foyungan, aroro at foyungan gfatuyan kata Dius at Longan te, Isus, Dius at nafili fag Fun.

Fakamulun 20:27

aroro kwa nadgaragun gfoyung sa ayu Dius at ngay algan.

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

Fakamulun 4:12

Ste sfagdaul daga we mafalangfe antam nu bunway Isus.”

Fakamulun 6:7

Nu katanya, Dius at longan gtaglayun nu kafagdaul. Ay sis Erusalem ngayu yay at kinfamut tagafanud sas Isus, ay ngayu yangay tagfon fanggalangun at nafanud.

Fakamulun 9:13

Ay Ananias gbalus te, “Ku Fun, ngayu ku nadungug sabaliwa kafag taw te, ngayu kanya at nafaidapan am ngay nafili sis Erusalem,

Fakamulun 9:22

Dewa katanya, kaugat yay Saulu nu kamoyung, ay ngay taw Udyu sis Damasku wa mafabalus Saulu nu gfoyung te, Isus Dius at nafili fag Fun.

1 Kurintu 15:3

Ay nafoyung au sa ayu ku nadungug tiba tungud at mafanud: tam Fun Isus anbul aroro sa tam ngay asalanan, kata at marirukan sis Dius at Longan.

Galasya 2:5

Dewa katanya, wami nafaning at fakaylatun nusdi alay, laman ban si tua ayu at Masine fag Barita at fagmatuyanun.

Galasya 3:28

Nu katanya, we fagsamanun ya taw Udyu ay yud Udyu, ngay fagsuguan ay yud fagsuguan, mangama ay mangena. Fagayu am masadi tuam aroro sa ay nasadian sa tam Fun Isus.

Galasya 6:11

Nu glag am ku rirukan, gbia nu marirukan; au at nariruk takatanya.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.

Deuterunumyu 21:9

Nu gfakamulun tua ban am gugat takatanya fag fakamulun at matuyan sis Yawi at daga salubangan, kanya ban di gfatuyan te, bunwa am at nafabul sik taw at yud e asalanan.

Deuterunumyu 9:10

Yawi nafon angku duak dalifi, ay kanya nariruk sanya at ngay suguan at nalong ayu siginans afuy sis Buksul Sinay gina am maful.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Kulusas 1:2

Griruk ami sa ayu Dius at nafili fag ngay taw sanya sfuruan Kulusas, am at matuyan fag ngay faduksay, ay at kinsadi sa tam Fun Isus. Sumawa nangus fia ayu Dius tam Mama at fagmagalangun ay at fagmanabayanun.

1 Tesalunika 2:2

Nasaful wam te, naidapan ami ay nafalingunan sis furuan Filipus. Dewa katanya, tam Dius nafabitsug tua em amatanganan laman gfoyung ami sa ayu at Masine fag Barita dewa ngayu tagsalag emi.

1 Timuteu 1:18

Timuteu, kata o ku sisian, nafon au sa emu tuy fag suguan, ebi fag ngay taglong at foyungan sabaliwa emu, laman maseganama nu gfawayan o,

1 Timuteu 6:12

Fabadbaboani sabaliwa am fagafanudun. Ay bakvdi leleg at yud e fakatabuan. Kanya wan Dius at fagnauroun emu gina o maseganama gfoyung sa sangay taw sabaliwa am fagafanudun.

2 Timuteu 1:13

Foyungi at matuyan fag foyungan am nadungug siginan angku. Ay nu gfakamulun o takatanya, e fagafanuduni tua ay e fakesuguni siginan tam fagmasadiun sa tam Fun Isus.

Titu 1:4

Griruk au sa emu, Titu, at matuyan ku sisian sas fagafanudun. Sumawa nangus fia emu Dius tam Mama ay tam Fun Isus tam Tagfalangfe at fagmanabayanun ay at fagmagalangun.

Ebreu 13:22

Ku ngay faduksay, maksvn nu glong au sa ayu te, dungugani fia masine ku foyungan sa ayu. Munagud way tuy ku rirukan sa ayu.

Ebreu 6:9

Ku fakesugun fag ngay faduksay, dewa au nalong sa ayu takatanya, natuyan kwa te, matuyan si wam sfakalangfean.

1 Pedru 5:12

Gtoglag au Silas te, sik matuyan fag faduksay. Kanya at nagubuk angku nu griruk au sa ayu tuy fag rirukan at munagud, laman gfaksvn ay amatanganan ay gfatuyan ayu te, Dius at nafakamulun sa ayu gfalag te, kanya magalang tua. Banwani sat fagmagalangun.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

2 Pedru 2:21

Amasine yap kafag ngay taw nu ddi ngap nasaful dalan tagsas fagmatuyanun, ay abandi ngap kanya nu gubun way at matuyan fag suguan at nafoyung sa anya.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

Udas 1:17

Dewa katanya, ku ngay fakesugun, kabavn amatangi tam Fun Isus at ngay nasugu at foyungan sa ayu.

Udas 1:20

Dewa katanya am, ku ngay fakesugun, maksvni tua sa ay mafanud fag fagafanudun. Darangini siginan at Masine fag Falad nu ggubuk ayu.

At Nafasure 12:11

Ay kanya nababo tua Satanas aroro siginan Tupa Riangan at taguk ay at ngay matuyan fag ngay foyungan, ay kafag ngay taw wa nesug ya at leleg, dewa ro nbul wan.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.