Ub 9:7 - Fanawbuid tagsibaliwas Fakayabian

⁷ Kanya nu nasugu way, menit wa kasure ay galeme wa gdamlag.

Ub 9:7 ပူးပေါင်းရင်းမြစ်များ

Ub 37:7

laman taw gfiangalay tua siginan at nafakamulun, ay laman nangamatangan sabaliwa Dius at ngay nafakamulun.

Isayas 13:10

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Amus 8:9

Ginanya ban fag menit, gfadulum au dewa swabilug menit, nu katanya, umdulum ban say talun dewa swa menit. Au, Fun Dius Yawi taglong tuy.

Mateu 24:29

“Ay nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’

Uswe 10:12

Ginanya fag menit Yawi nafababo ngay taw Israel sa sangay taw Amur. Uswe gdarangin sas Yawi si sangay taw Israel at daga salubangan te, “Menit, aragangi sis tungud Gibyun, ay magdanun sis tungud datag Ayalun.”

Uswe 10:13

Nu katanya, menit ay magdanun naragangan yakmay ngay taw Israel nababo at ngay fawayan. Menit naragangan swabilug kiwang, ay wa nfalyu fagngabak menit. Ay Asar nariruk sit fagrirukan at kinfasludan.