Ub 9:4 - Fanawbuid tagsibaliwas Fakayabian

⁴ Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Ub 9:4 ပူးပေါင်းရင်းမြစ်များ

2 Krunika 13:12

Dius si tua gugat emi, sia wan em tagfangguna. Ay at ngay tagfon fanggalangun gfawang at ngay budyung gina gfangguna emi gina ami namawayan ayu. Ngay taw Israel, lag am gfawayan Yawi, ay ngay mangaguyang at Dius, aroro wa ngap ban am gbabo.”

2 Krunika 20:6

Ay kanya nalong te, “Yawi, em ngay mangaguyang at Dius, o wan tagsis banwa fag Dius. O way tagagbilug fagayu fagfagtainanan sas fagdaul daga. Mabalyanan o ay we makatu gfawayan emu.

Ub 11:6

ay gfasure sa emu am yud yay nasaful fag fagsafulun, aroro at matuyan fag fagsafulun e duak masuad. Sumaful o nangus te, Dius nafalyam tua tiba am asalanan.

Ub 12:13

Dius way lang at kinsak at fagsafulun ay ke fagmabalyananun, kasakan yangay at fagtogdungugun, ay matuyan at ngay famalun.

Ub 15:13

laman kadotama o Dius ay garingang o at mauri sa anya?

Ub 23:6

O kanya ro manga namabadbaboan way angku siginan at fagmabalyananun? Duan, kanya ro wa namakamulun, nu bunway gdungugan tua ro angku.

Ub 24:22

Siginans Dius at fagmabalyananun, gfaurianan wan at mabalyanan fag ngay taw, kanya fag ngay taw dewa mabitsug, wa gtuyan at leleg.

Ub 25:2

“Dius mabalyanan ay madulo, ay kanya wan tagfae fagmanabayanun sas banwa.

Ub 28:23

Dius saful dalan tagsanya, ay sia way lang tagsaful sanya fag buknga.

Ub 36:5

Dius mabalyanan, ay kanya di e nafauri, kanya mabalyanan ay gfafasludan tua at algan.

Ub 37:23

Wa tam manangakbang sat mabalyanan fag Dius, aroro maksvn nu mabalyanan ay nu matuyan.

Ub 38:36

Sinu at nafon sas taw fagsafulun ay fagmatogdungugun?

Ub 38:37

Sinu tagsaful gtap ngay linyabu? Sinu at mafaugwag mamam siginans banwa,

Ub 40:9

Ay o mabalyanan yangay o kata angku? Ay o maringang o kata sik lingsi kata nu garingang au?

Ub 41:2

O masiuk ro wo sik lubid sat dungus, ay o masanggit ro wo at sulang.

Ub 6:10

Nu nfasludan di takatanya, kasun kro ay guseganan, dewa maksvn nu gidapan au, aroro nafoyung ktua at yud e malong fag Dius at longan.

Ub 9:19

Nu sa baliwas fagmagarasun, we mababo anya. Ay nu nasas fagfawabiluganan, sinu at mafabadbaboan anya?

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Alubad. 136:5

Siginan at fagsafulun, kanya nawat banwa. Nu mafangesug di e fakatabuan.

Nu Galin 15:7

Siginan am fagmabalyananun, nababo o fagayu tagfawayan emu. Nafalag o sa anya fagayu am dotama ay nafamin o anya fagayu kata sik nagruyusan fare at kinkirug.

Nu Galin 9:7

Nu katanya, Igiptu at fun nasugu at ngay fagsuguan laman nanginsaful. Ay kanya dewa nasaful te, ngay taw Israel at ngay fagbaugun we nbul nusdi sadi, kanya kamaogatun yay fia, ay wa nafalao ngay taw Israel.

Fangatulun 28:14

Mauseganan sik taw nu gsuyu tua Yawi, dewa katanya, sik taw takamaogatun at amatanganan umfaurianan.

Fangatulun 29:1

Sik taw at yud gfabali at ugali dewa e gsalag, umfaurianan ay wa mlangfe.

Isayas 45:9

Afanyuan sik taw tagfabadbaboan at nawat anya fag Dius. Kafag taw kata way sik tikung. O sik lifak mafalong sa takawat anya te, ‘Wain fakatanyaun am nawat?’ O ay nunda mafalong sabaliwa takawat anya te, ‘Kanya wa saful kawat’?

Eremyas 50:24

“Talun Babilunya, ankiktan o sa ku naton fag litag laman sa emu. Nagamatan o aroro sam fakamatungudunun.

Daniel 2:20

“Kabavn fauseganani Dius. Kanya mabalyanan ay siwa anya fagsafulun.

Naum 1:3

Yawi di vtv gfangadotama, dewa katanya, mabalyanan tua, ay gfaurianan fagayu tagfakamulun mauri. Ay nu nadalan, kata sik tagridribudan fag tagmara ay at maksvn fag fulug. Ay linyabu kata lukbu nu kanus sit darafa.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

1 Kurintu 10:22

O kaylat tam gfauri Dius? O nu gamatangan am amabalyanan yap tam anya?

Efesu 1:19

Ay gdarangin au te, sumaful am nangus fia Dius at fagmabalyananun yud e gfasud laman sa antam fag ngay tagafanud.

Efesu 1:8

gasfuan at famonun sa antam fag fagsafulun ay fag fagmamatanganun,

Efesu 3:10

laman fagayu tagafanud katsi gfasaful sa sangay fun ay sa sangay tagfangguna sis banwa, sabaliwas Dius at fagsafulun at yud e fakatabuan.

Efesu 3:20

Tam Dius mafafakamulun tagtungud yay fagayu tam fagetun ay tam amatanganan, siginan at fagmabalyananun tagfunan antam.