Ub 9:32 - Fanawbuid tagsibaliwas Fakayabian

³² Dius bundi sik taw kata angku, laman mabalus au anya, kwa yangay mabalus ay mafasas faginsafulan.

Ub 9:32 ပူးပေါင်းရင်းမြစ်များ

Ub 33:12

Ub, am ngay nalong wa matuyan. O nunda Dius kata way sik taw?

Ub 33:7

Nu katanya, lag o kalimu angku ay lag gamatangan te, gfalingun kro emu.

Ub 9:14

Nu katanya, tain ro nu gbalus au Dius, ay daginan ro sik longan laman ku famabadbaboan anya?

Ub 9:19

Nu sa baliwas fagmagarasun, we mababo anya. Ay nu nasas fagfawabiluganan, sinu at mafabadbaboan anya?

Ub 9:3

We fagmafakamulunun nusnga sinu takaylat gfabadbaboan Dius, aroro sa sik libuk fagintoun siginans Dius, we mafabalus nusdi at sadi.

Ub 9:31

kanya ngap namatong yay gugat angku sat malifak fag alian, dewa ku sadili lanbung kapla kway.

Alubad. 143:2

Lag yap ginsaful angku am fagsuguan, aroro we taw matuyan sam daga salubangan.

Takamoyung 6:10

Fagayu takadasug sas fagdaul daga ay sa sik taw, siginan ebi mafalganan wan. Nu katanya, we tungkul tam nafabadbaboan Dius, aroro kanya gtungud tua antam nu mabalyanan.

Isayas 45:9

Afanyuan sik taw tagfabadbaboan at nawat anya fag Dius. Kafag taw kata way sik tikung. O sik lifak mafalong sa takawat anya te, ‘Wain fakatanyaun am nawat?’ O ay nunda mafalong sabaliwa takawat anya te, ‘Kanya wa saful kawat’?

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Ruma 9:20

O fag taw, wain am fagnamabadbaboanun Dius? O at awatan malong sa takawat anya te, “Wain fakatatuyun way nu mawatan au?”

1 Uan 3:20

dewa tam amatanganan gfoyung antam te, e fagmauriun tam. Tam Dius gtungud tua tam amatanganan ay kanya tua tagsaful nusnge wain.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”